कालिका ,असोज २० ।

मिहिनेतको कदरस्वरूप मिल्ने अवार्ड लिन भ्याई नभ्याईहुने संगीतकार हुन अर्जून पोखरेल । साधारण लवाइ खुवाई र हँसिलो मुहार दुस्ख गर्न कन्जुस्याइँ नगर्ने जिज्ञासु स्वभावका अर्जुन पोखरेल कालिका एफको यस बर्षको सर्बोत्कृष आधुनीक संगीतकारको रुपमा चलबतास चलको गीतबाट मनोायनमा परेका छन । २०६१ सालमा आफ्नै शब्द संगीतमा ‘सानी मोरी मलाई मन र्पयो...’ लोकदोहोरी गीत सार्वजनिक गरेका थिए । त्यसै बेला उनले स्थानीय लोकदोहोरी गायकका रूपमा कालिका अवार्ड पाए ।

गायक, गीतकार, संगीत संयोजनमा आफ्नो परिचय बनाउन सफल उनी अहिले विभिन्न चलचित्रमा संगीत भर्न व्यस्त रहेका छन् । उनले यो अवस्थासम्म आइपुग्न निकै संघर्ष गर्नुर्पयो । गायक बन्ने सपना बोकेर राजधानी पुगेका उनी संगीतकार बन्न पुगे । २०५५ सालतिर एसएलसी दिएर संगीत पढ्न काठमाडौं छिरे । सानैबाट गीतसंगीतमा रुचि राख्ने उनी सुरुमा वाचनशिरोमणि (स्वर्गीय) नारायणप्रसाद पोखरेलसँग भजन गाउन पनि हिँडे । पछि राजधानीको आरआर क्याम्पसमा प्रवीणता प्रमाणपत्र तहमा भर्ना भए । उक्त तहको पढाइ सके । 

उनको सक्रियता सांगीतिक क्षेत्रमा बढ्दै गयो । इलाहावाद संगीत विश्वविद्यालयबाट पूर्वीय शास्त्रीय, नेपाल संगीत विद्यालयबाट पाश्चात्य र नेपाल ललितकला क्याम्पसबाट शास्त्रीय संगीत र नेपाली लोक संस्कृतिबारे अध्ययन गरे । अहिले अनुराग विद्यालयमा संगीत पढाउँछन् । सुरुमा त उनलाई फिल्मका निर्देशक, निर्मातासित प्रतिभा छ, अवसर दिनुर्पयो भन्दा वास्ता गरेनन् । उनल

२०६७ सालमा ‘दिलमाया’ फिल्ममा उनले संगीतकारको रूपमा काम गर्ने अवसर पाए । उक्त फिल्मको ‘छुट्छ कि साथ, टुट्छ कि नाता...’ गीत चर्चित भयो । ‘फिल्मको लगानी एउटै गीतले उठाइदियो,’ उनले भने, ‘१५ लाख लगानी भएको फिल्ममा गीतबाट २० लाख उठ्यो ।’ उनले राजुकै ‘बिन्दास’ फिल्ममा संगीतकारका रूपमा काम गरे । 

यो फिल्मको ‘बाटो मोडेर गयौ...’ र ‘ रिमझिम रिमझिम...’ गीतले चर्चा पाए । उनले यो गीतबाट सर्वोकृष्ट संगीतकारको रूपमा विभिन्न ठाउँमा आयोजना गरिएका कार्यक्रममा ४ वटा अवार्ड जिते । मिहिनेत गर्ने जोस बढ्दै गयो । त्यसपछि उनले ‘मेरो जीवन साथी’ र ‘बिन्दास २’ मा संगीतकारको रूपमा काम गरे । दुवै फिल्मको गीत संगीतले चर्चा पायो । ‘बिन्दास २ को सुन्छु तिमीले...’ गीतले मलाई संगीतकारको रूपमा चिनाउने काम र्गयो,’ उनले भने । अहिले उनको थप चर्चा ‘स्टुपिड मन’ फिल्मको गीतबाट छ । यो फिल्मको ‘तिम्रो आँखामा...’ गीत उनले लेखेका हुन् भने संगीत उनकै हो । यो फिल्मबाट उनले सर्वोकृष्ट संगीतकारको रूपमा ३ वटा अवार्ड पाइसके ।पछिल्लो समय ‘ठमेल डटकम’ को ‘सुखले दिन ढल्दैन...’ गीतको चर्चा समेत चर्चामा आए । जुन गीत उनले गाएका हुन् । संगीत दिएको आधा दर्जन बढी फिल्म प्रदर्शनको तयारीमा छन् । उनको चर्चा फिल्मी क्षेत्रमा मात्र छैन । दोहोरी र आधुनिक गीतमा पनि उस्तै छ । मञ्जु पौडेल र रामजी खाँडले गाएको ‘तिमी लाइटर...’ बोलको गीतमा उनले संगीत दिएका हुन् । ‘धेरैलाई बाँडदा...’ र ‘आफ्नै जिन्दगी...’ गीतमा पनि संगीत भर्ने काम उनैले गरे ।

‘सांगीतिक क्षेत्रमा पाएको र गुमाएको लेखाजोखा छैन,’ उनले भने, ‘ठूलो कुरा आत्मसन्तुष्टि हो, त्यही आत्मसन्तुष्टिले गुमाएको सबै पाएको छु ।’