राजु थापा,  असोज १९, कालिका

एसएलसी पछिको फुर्सदको समयलाई सदुप्रयोग गर्दै सांगेतिक क्षेत्रमा सिक्न गएका गायक सुनिल गिरी अहिले देशका चर्चित गायक भएर चिनिन सफल भएका छन् । २०४५ सालमा तनहु जिल्लामा  बुबा तेज बहादुर गिरी र आमा शान्तामाया गिरीको जेठो सन्तानका रुपमा जन्मीएका गिरी म पनि गित गाउन सक्छु भन्ने प्रतियोगिताको विजेता बन्दै सोही कार्यक्रमले दिएको निशुल्क प्रशिक्षणको लागि पोखराको सारेगमा कला केन्द्रमा संगित सिक्न पुगेका हुन् । ३ महिना पोखरामा प्रशिक्षक अशोक पौडेल संग संगित सिके पछि संगितको लतलागे संगै  काठमाडौमा रहेको गान्र्धव ईन्स्टीचुडमा शास्त्रीय संगित सिक्न पुगेका हुन् । 

 

प्रशिक्षक चन्दन श्रेष्ठको शिष्यको रुपमा ६ वर्ष शास्त्रिय संगितमा लागेका गिरीले शस्त्रिय संगित सिकेको ५ वर्षमा को होला त्यो गित गाएर चर्चा बटुल्न सफल भएका थिए । त्यहि गितले कालिका म्युजिक अवार्ड बाट २०७० मा डेब्यु गितको अवार्ड पाउन समेत सफल भएको हो । 

सोही चर्चित गितको एल्वम समेत निकाल्न सफल गिरीले देउराली भन्ज्याङ , सुनको चुरा जस्ता चर्चित गित गाएका छन् ।

यस पटकको१३ औ कालिका  म्युजिक अवार्डमा समेत उत्कृष्ट पप गित तर्फको शब्दमा सुनको चुरा उत्कृष्ट ५ मा पर्न सफल भएको छ ।