मनोरञ्जन

बाढी पिडितलाई राहत संकलनका निम्ति मुग्लिङमा वृहत खुल्ला तीज गीत प्रतियोगिता हुने बाढी पिडितलाई राहत संकलनका निम्ति मुग्लिङमा वृहत खुल्ला तीज गीत प्रतियोगिता हुने
विनोद श्रेष्ठ
भाद्र ३, मुग्लिङ
          नेपाली नारीहरुको महान् चार्ड हरितालिका तीजको अवसरमा मुग्लिङ बजारमा वृहत खुल्ला तीज गीत प्रतियोगिता हुने भएको छ । यस क्षेत्रका महिलाहरुको प्रतिभा उजागर गर्ने र महिला माथि हुने गरेको हिंसा, अत्याचारको खुलेरै विरोध गर्ने उद्देश्यले कर्तव्यनिष्ठ महिला समाज मुग्लिनले हरेक वर्ष तीज विषेश कार्यक्रम गर्दै आएको छ । तर यस वर्ष भने समाजले बाढी पिडितलाई राहत संकलनमा प्राथमिकता दिदै यस वर्षको तीज गित मनाउने लागेको छ । समाजले त्रिवेणी युवा क्लब मुग्लिङ, इच्छाकामना उद्योग बाणिज्य संघ, मुग्लिङ, होटल व्यवसायी संघ मुग्लिन र श्री सिद्ध इच्छाकामना आमा समुह गरी अन्य ४ संस्थाहरु संगको सहकार्यमा संयुक्त रुपमा यस वर्षको तीज विशेष कार्यक्रम गर्न लागेको समाजका अध्यक्ष सृजना बसौला देवकोटाले जानकारी दिनुभयो । विगतका वर्षहरुमा छुट्टाछुट्टै तीज कार्यक्रम गर्ने गरको जसले समाजमा वैचारीक विभेद हुने गरेकोमा यस वर्ष भने अन्य संघ संस्थाहरुलाई समेत एकजुट गराइ कार्यक्रमको आयोजना गर्न लागेको उहाँले बताउनुभयो ।
         
          टेलिभजिन कार्यक्रम इन्द्रेणीका सञ्चालिका मनमाया वैबाको विशेष प्रस्तुति रहने कार्यक्रमा स्थानीय कलाकारहरु गणेश गुरुङ्ग, पृथ्वी गुरुङ्ग, चन्द्र परियार, कहर सिंह गुरुङ्ग, कृष्ण गुरुङ्ग, सित्तल गुरुङ्ग, किसान गुरुङ्ग र गोविन्द रिजालको समेत धमाकेदार प्रस्तुति रहने आयोजकले जनाएको छ । त्यस्तै विगतका वर्षहरुमा जस्तै यस वर्ष पनि ८० वर्ष पुगेका इच्छाकामना गाउपालिका वडा नं. ५ का वृद्धवृद्धाहरुलाई सम्मान कार्यक्रमलाई समेतलाई निरन्तरता दिएको आयोजकले जनाएको छ ।  
 
खुल्ला रुपमा गरिएको उक्त प्रतियोगितामा जो कोही पनि ७ जनाको समुहमा आएर ३०० रुपैया बुझाइ टिम दर्ता गर्न सकिने प्रतियोगितमा प्रथम हुने टिमलाई २० हजार, द्धितीय हुनेलाई १५ हजार, तृतीय हुनेलाई १० हजार र सान्त्वना प्राप्त गर्ने टिमलाई ३ हजार नगद प्रदान गरिनुका साथै सहभागी प्रत्येक टिमलाई १ हजार नगद दिइने अध्यक्ष देबकोटाले जानकारी दिनुभयो । त्यस्तै उहाँले बाढी पिडितहरुको लागि सहयोग गर्न चाहनेहरुको लागि गण्डकी विकास बैंक मुग्लिनमा खाता खोलेको जानकारी दिनुहुदै सहयोग गर्न इच्छुक महानुभावले कर्तव्यनिष्ठ महिला समाज मुग्लिनको नाममा रहेको खाता नं. ००४००००५६०९ मा रकम जम्मा गर्न अनुरोध गर्दै थप केही जानकारी लिन परेमा उहाँको मोवाइलन नं. ९८५५०५०१०७ मा सम्पर्क गर्न हुन समेत आग्रह गर्नुभयो ।

Post Comment

More मनोरञ्जन

Onair Now Onair Now

Kaya Kairan

Started at: 06:00 HRS

Up Next

Samaya Sandarva

Starts at: 06:35 HRS

Kalika 91 - Nonstop music

Recent News

पछिल्ला २४ घण्टाका समाचारहरु
Aja Ko Rashiphal

Special Programs

Kalika Events

  • 12th Music Award