राजु थापा, साउन २५, कालिका

 

नारीहरुको महान चाड हरितालिका तिजलाई मध्यनजर गर्दै चितवनकी गजलकार अमृता रामदामले नयाँ र पहिलो गिती एल्वम बजारमा ल्याउनु भएको छ । गजलकार भई विभिन्न समयमा गजलहरु लेखेपनि अन्य क्षेत्रमा गुमनाम रहनु भएकी रामदामले समाजको यथार्थलाई गिति एल्वम मार्फत समाजको ऐना बजारमा ल्याउनु भएको हो ।

 

बुधवार चितवन र नवलपरासीका दिग्जज् साहित्यकारहरुको माझमा क्षेत्रपुर स्थीत रामदामको आफनै निवासका गितकार प्रेमविनोद नन्दनले गिति एल्वमको विमोचन समेत गर्नु भएको थियो । साहित्यकारहरु डा. घनश्याम परिश्रमी, गोविन्दराज विनोदी, गायत्री श्रेष्ठ, धनराज गिरी, गोर्खे साईलो , पुष्प अधिकारी अन्जली, लकाश पौडेल, लगायतको उपस्थिति रहेको कार्यक्रममा उपस्थित साहित्यकारहरुले समाजको ऐना एल्वम साचै समाजको यथार्थ रहेको बताउदै यस्तो प्रतिभालाई मर्ने नदिन आग्रह गर्नु भएको थियो ।

 

कार्यक्रममा परिवारिक सहयोग र साहित्यकारहरुको सल्लाहले एल्वम निकाल्न सकेको भन्दै यस्तै माया र सहयोग पाए आगामी दिनमा समेत साहित्यीक क्षेत्रमा कार्य गरिरहने र तन मन र धनले लाग्ने गितकार तथा गायक अमृता रामदामले बताउनु भएको थियो ।