राजु थापा, साउन १५, कालिका

लिटिल च्याम्प चितवन २०७४ को साउन १६ गते छनौट हुंदैछन् । होलिडेज क्रियशन होम नारायणगढले आयोजना गरेको प्रतियोगितामा सहभागि ५० बालबालिका मध्य उत्कृष्टले साउन १६ गते प्रिन्स च्याम्प र प्रिन्सेस च्याम्प चितवन २०७४ को ताज पहिरिनेछन् । चितवन, नवलपरासी र काठमाण्डौंका विभिन्न १५ वटा विद्यालयमा अध्ययन गरीरहेका ७ देखि १३ वर्ष उमेरका  बालबालिका प्रतिष्पर्धी रहेको एपोलो च्याम्प चितवन २०७४ को वृहत फाईनल प्रतिस्पर्धा बारे आईतबार नारायणगढमामा पत्रकार सम्मेलन गरी जानकारी गराइएको हो । फाईनलेमा नेपाली चलचित्र जगतका महानायक राजेश हमाल प्रमुख अतिथि रहने पत्रकार सम्मेलनमा जानकारी गराइएको छ । बालबालिकालाई एक महिनासम्म विभिन्न विधागत प्रशिक्षणमा सहभागि गराउंदै फाइनलको तयारी गरीएको कार्यक्रम संयोजक नारायण ढकालले बताउनु भयो । वातावरण संरक्षण गरौं जीवजन्तु बचाऔं भन्ने मूल नारा सहित बालबालिकालाई सामाजिक कार्यमा समेत संलग्न गराइएको  संयोजक ढकालले बताइन् ।

फाइनलका लागि छनौट २० जना बालक र ३० जना बालिकालाई अन्तराष्ट्रिय इभेन्ट म्यानेजर अनिला श्रेष्ठले प्रशिक्षण दिनुभएको छ । यस्तै नृत्य निर्देशक रेणु तामांङ लगायत अन्य विभिन्न दक्ष व्यक्तिबाट व्यक्तित्व विकासका प्रशिक्षण प्रदान गरीएको संयोजक ढकालले बताए । दुबै तर्फका विजेतालाई ३० हजार, २० हजार र १५ हजारले पुरस्कृत गरीने आयोजकले जानकारी दिएके थियो ।  वातावरण संरक्षणको सन्देश फैलाउनका लागि विजेता दुई जनालाई साइकल प्रदान गरीने समेत उनले जानकारी दिईएको थियो  ।

प्रतियोगितामा सहभागि हुन प्रत्यक बालबालिकाको प्रवेश शुल्क १५ हजार लिइएको थियो । पत्रकार सम्मेलनमा पत्रकारहरुले सहभागि बालबालिकाबाट फोटो सेसन , प्रवेश शुल्कको लागि दवाव र्सिजना गरिएको र सामाजिक संजालबाट भोट लिने प्रवृद्धि नराम्रो भएको र यसले बाहिर आयोजकले दवाव दिएको हल्ला भएको भन्ने प्रश्न गर्दा आयोजकले यो सवै निराधार आरोप भएको जानकारी दिनु भएको थियो ।