राजु थापा,  असार २३, कालिका

 

फिल्मलाई चर्चामा ल्याउन गरिने उपायँहरु मध्य चितवनमा पनि यहि असार ३० गते देखि प्रर्दशन हुनलागेको फिल्म म यस्तो गित गाँउछुको प्रचार हात्तीमा कलाकारले नगर परिक्रमा गरेर गरिएको छ । 

 

प्रेम गित जस्तो सफल फिल्म दिन सफल निर्माता निर्देशक सुर्दशन थापाले निमार्ण गरेको लव स्टोरी फिल्म म यस्तो गित गाँउछु ले शुक्रबार चितवनमा प्रचारको क्रममा पत्रकार सम्मेलन पछि हात्तीको सवार गरेर बजार परिक्रमा गरेको हो । 

 

प्रचारको क्रममा चितवन आउनुभएको नायक पल शाह, नायिका पुजा शर्मा र अभिनेता सरोज खनाल हात्तीमा सवार भएका थिए । पत्रकार सम्मेलनमा नायक पल शाहले आउदो शुक्रबार दर्शकको नजिक आउदै छु भनि जानकारी दिन चितवन आएको बताउनुभयो भने अभिनेता सरोज खनालले १७ वर्ष पछि अमेरिकाको बसाइ पछि फिल्म क्षेत्रमा आउदाँ पनि सुर्दशन थापाले दोस्रो पटक फिल्ममा लिनु भएको बताउदै फिल्मले आखाँबाट आसु झार्ने र समयको सदुप्रयोग हुने ग्यारेन्टी दिनुभयो ।फिल्ममा खनालले नायिकाको बुबाको भुमिका निर्वाह गर्नु भएको छ । 

 

३ वटा गित रहेको फिल्म सवा करोडको लगानीमा बनेको बताईएको छ । यस्तै फिल्मको छायाङकन भने  काठमाडौ , पोखरा र मुस्ताङको माथिल्लो भेगमा  गरिएको थियो ।