कालिका , चैत्र २९ ।

चितवनमै पहिलोपटक आयोजना गरिएकोे “मिसेस चितवन २०१७” को जमघट हिजो (सोमबार) सम्पन्न भएको छ । ‘सक्सेस पार्टी’ नाम दिईएको सो जमघट भरतपुरको होटल ग्लोबलमा भएको थियो । 

 

दाताज ईभेन्ट्सको आयोजनामा भएको प्रतियोगीतालाई दुर्गा घिमीरे र मिना झाले  संयोजन गर्नुभएको थियो । आयोजकद्धय दुर्गा घिमिरे र मिना झाले प्रमाणपत्र सहित विजेता ,सहभागी ,सहयोगी संस्थाहरु , प्रायोजक ,सह–प्रायोजक सबैलाई धन्यवाद ज्ञापन गर्नुभएको थियो ।

 

उद्योगपति स्वामी गुणचन्द्र विष्टको प्रमुख आतिथ्यतामा सम्पन्न भएको कार्यक्रममा पहिलो मिस नेपाल रुबी राना साह विशिष्ट अतिथि रहनुभएको थियो । त्यसैगरी कार्यक्रममा “हिडन ट्रेजर मिस नेपालका” आयोजक रुपेश प्रधान , कालिका मिडियाका निर्देशक रिना गुरुङ् ,चितवनका सञ्चारकर्मीहरु लगायतको सहभागीता रहेको थियो । 

 

कार्यक्रममा बोल्दै उद्योगपति विष्टले प्रतियोगिताले सहभागी महिलाहरुलाई सशक्त बनाउन सफल भएको भन्दै आगामी दिनमा पनि यो कार्यक्रमलाई निरन्तरता दिनुपर्नेमा जोड दिनुभएको थियो ।

 

यस्तै कार्यक्रमलाई सम्बोधन गर्दै संयोजक घिमिरेले प्रतियोगिताले वैवाहिक महिलाहरुको क्षमता अभिवृद्धि गर्न सफल भएको बताउनुभएको थियो । प्रतियोगितामा सहभागी हुनुभन्दा अगाडी बोल्न पनि असजिलो मान्ने महिलाहरुमा हाल आफ्नो कुरा स्पष्टसँग भन्न सक्ने क्षमताको विकास भएको उहाँको भनाई थियो । 

 

यहि चैत्र १४ गते भएको फाईनल प्रतियोगितामा १८ जना प्रतियोगीहरुलाई पछि पार्दै सुष्मा थापा मिसेस चितवन २०१७ बन्न सफल हुनुभएको थियो । त्यस्तै रेनु तामाङ्  फस्ट रनर अप र आना ढकाल सेकेण्ड रनर अप बन्न सफल हुनुभएको थियो । ‘सक्सेस पार्टी’ दाताज ईभेन्ट्सका अध्यक्ष दाताराम घिमिरेको अध्यक्षतामासम्पन्न भएको थियो ।