कमला गुरुङ्ग, कालिका ज्येष्ठ ३–

 

नेपाली चलचित्र बुद्ध वर्न इन नेपाल यही ज्येष्ठ ७ गतेबाट देशैभर एकैसाथ प्रदर्शनमा आउने भएको छ ।  

 

बुद्धको महत्व र जन्मभूमिको विषय चलचित्रको मुख्य कथावस्तु रहेको छ । चलिचित्र युनिटकै आयोजनामा भएको नारायणगढमा भएको पत्रकार सम्मेलनमा सो जानकारी गराईएको हो । 

 

बुद्धको जन्मभूमिको विषयलाई लिएर समय समयमा आउने गरेको विवादलाई मध्यनजर गर्दै चलचित्र निर्माण गरिएको निर्माता एवम् कलाकार रमित ढुंगानाले बताउनु भयो । निर्माता ढुंगानाले निकै अध्ययन पश्चात चलचित्र निर्माण गरिएको बताउनु भयो । यस चलचित्रलाई सरकारले पनि पूर्ण सहयोग र समर्थन गरेको ढुंगानाले जानकारी दिनुभयो । 

 

रमित ढुंगाना र असिस्मा नकर्मीको मुख्य भूमिका रहेको चलचित्रमा निर शाह, मिथिला शर्मा, अमित ढुंगाना लगायतका कलाकारहरुको अभिनय रहेको छ । देशका साथै विदेशमा समेत सुटिङ्ग गरिएका चलचित्रमा विदेशी कलाकारहरुले समेत अभिनय गरेका छन् । 

 

ज्ञानेन्द्र बस्नेतको निर्देशनमा बनेको चलचित्र साढे २ करोडको लगानीमा निर्माण गरिएको हो । चलचित्रलाई सबै दर्शकहरुले मन पराउने चलचित्र युनिटको विश्वास छ ।