पाँचथर,वैशाख ८,

 

अन्तिम लिम्वु राजा हिलिहाङ योङ्हाङ सम्वन्धि खोज तथा अनुसन्धानमा आधारीत गीत आनी केरेक हिलिहाङ दरबार पेगिराको छायाङ्कन गरिएको छ । यसलाई कतिपयले लघु चलचित्र पनि भनेका छन् ।

 

 गीतको भिडियोमा कैद दृश्य जीवन्त छ । दृश्यमा युवायुवतीको एउटा लर्को हिलिहाङ योङहाङको दरबारतिर लाग्छ । सो क्रममा उनीहरुको भेट हिलिहाङकै विषयमा खोज अनुसन्धान गर्दै आएका अनुसन्धानकर्तासँग हुन्छ । अनि दरबार पुग्छन् । कलाकारले हिलिहाङलाई स्वागत गर्छन् । जीवन्त मौलिकताको प्रतिमूर्तिको हिलिहाङ दरबारको अवलोकनपछि अनुसन्धानकर्ता खुशी हुन्छन् र लर्के जवानहरूलाई आफ्नो घर लगेर जान्छन् ।

 

 भिडियोलाई जीवन्तता दिने प्रयास गरिएको छ । गीतको भिडियोलाई लघु चलचित्र भनिएको छ । यसको निर्देशन लोकेन साँवाले गरेका हुन् । यसको लेखन हिलिहाङबारे अनुसन्धानकर्ता हर्क योङहाङले गरेका हुन् । प्रदीप योङहाङ र सैलेन्द्र थेबेको निर्माणमा बनेको यस हिलिहाङबारे लघु चलचित्रको छायांकन उत्सव दाहाल र सम्पादन निशान घिमिरेले गरेका छन् । यसमा लिम्बु समुदायका चर्चित कलाकारले अभिनय गरेका छन् ।

 

जसमा यासेली योङहाङ, प्रदीप योङहाङ, कल्पना तुम्रोक, भीम थेवे, ग्रीष्म आङवुहाङ, निशा पोमु, मेरिना तुम्सा, बविता फोम्बो, मेरिना चेम्जोङ, जुनु सुहाङ, मञ्जु थेवे, लक्ष्मी योङहाङ र रुपा आङवुहाङले अभिनय गरेका छन् ।

 

ऐतिहासिक र सांस्कृतिक धरोहर संरक्षणको प्रतिविम्वका रुपमा उम्याइएको यस चलचित्रलाई फेदापहाङ्मा सीता सिंगकको पाश्र्वगायन र अशोक लोहोरुङको संगीतले थप योगदान दिएको छ । हिलिहाङको दरवार पाँचथरको पञ्चमीमा रहेको छ । इतिहासकारहरुका अनुसार उनी अन्तिम लिम्वु राजा हुन् ।