निरज अधिकारी–बेसीशहर

मञ्जरी नाट्य समूहद्धारा बेसीशहरमा समाजको समसामायिक विषयबस्तुलाई समेटिएको नाटक “गंगा जमुना” प्रस्तुत भएको छ ।

 

नाटकमा नेपाली समाजमा अझै कायम रहेको दाईजो प्रथालाई बिशेष रुपमा समेट्न खोजीएको थियो । धनी परिवारमा आफनी छोरीलाई विहे गरि दिने नाउमा आफ्नो दक्षता भन्दा माथि उठ्दा घरको न घाटको भएको अवस्थालाई नाटकमा समावेश गरिएको थियो । धनी परिवारले पैसालाई गर्ने व्यवहार र आफन्तमा गर्ने दुव्र्यबहारलाई नाटकमा प्रत्यक्ष समेट्न खोजीएको थियो ।

 

दाईजो प्रथाका कारण सम्पतीको नाममा झैझगडा,  आफन्त बिच हुने मनमुटाव, पराईले गर्ने व्यवहारलाई समेत प्राथमितामा राखेर नाटक प्रस्तुत गरिएको हो । गंगा र जमुना दुई दिदिबहिनीको मुख्य भुमिका रहेको नाटकमा समाजमा महिलाहरु प्रति हुने दुव्र्यवहार, एकल महिलाको असुरक्षा, सामाजिक कुप्रथालाई समेत विस्तृत रुपमा समेट्न खोजीएको थियो । नाटकले आम नागरिकमा समाजमा रहेका कु प्रथाहरुलाई नजिकबाट नियाल्ने र आफनो स्तरबाट प्रथा अन्त्यका लागी खेल्ने भुमिका कस्तो रहन्छ भन्ने सन्देश दिएको थियो । 

 

नाटक प्रस्तुतका लागी रेडियो मस्र्याङ्दीको सहकार्य रहेको थियो । समूहका हिमाल मजाकोटी र भुवनसिंह परियारको लेखन तथा परिकल्पना रहेको नाटकको निर्देशक सूहका अध्यक्ष केदार बोहोरा रकनुभएको थियो । जिल्ला विकास समितिको सभाहलमा प्रस्तुत उक्त नाट्कमा १३ जना पात्रहरुले नाटक प्रस्तुत गरेका थिए ।