जितेन्द्र भण्डारी÷पाँचथर,फागुन २५, 

नव प्रतिभाहरुको प्रतिभालाई पहिचान गरी अवशर प्रदान गर्न आगामी चैत ११ देखि ‘पाँचथर तारा’ गायन तथा नृत्य प्रतियोगिता हुने भएको छ । 

 

मौलिक नेपाली कला–संस्कृति र गीत–संगीतको संरक्षणमा बिगत डेढ दशकदेखि सक्रिय बरदान संगीतालय फिदिमले प्रतियोगिताको आयोजना गर्न लागेको हो ।  ‘मूर्त तथा अमूर्त साँस्कृतिक सम्पदाको रंरक्षण गरौं, आन्तरिक तथा बाह्य पर्यटनको प्रबद्र्धन गरौं’ भन्ने नाराकासाथ आयोजना गर्न लागिएको प्रतियोगिताको फाइनल चैत्र २७ गते फिदिममा हुने बरदान संगीतालयका निर्देशक बुद्धराज लिम्बूले बताउनुभयो । 

 

उक्त दिन ‘सुम्जिीरी सुम्हात्लुङ बिगत, बर्तमान र भविष्य’, त्यस्तै ‘लब्रेकुटि–सिलौटी धार्मिक पर्यटकीय गन्तब्य किन ?’ र ‘पाँचथरको पर्यटकीय क्षेत्रको चिनारी’ नामक तीन वटा अवधारणा पत्र समेत प्रस्तुत हुने बताएइएको छ । 

 

प्रतियोगिताको गायत तर्फका प्रथमलाई नगद ५० हजार बराबरको संगीत सामग्री, प्रमाण पत्र र मेडल त्यस्तै नृत्य तर्फको प्रथमलाई नगद २५ हजार बराबरको नृत्य सामग्री, प्रमाण पत्र र मेडल प्रदान गरिने कार्यक्रमबारे जानकारी दिन सोमबार जारी गरिएको प्रेस विज्ञप्तीमा उल्लेख छ ।  

भगिराज राईको निर्देशनमा ‘लाली है माथि ...’ बोलको गीतको म्युजिक भिडियोको धमाधम छायाङ्कन भइरहेको छ । पत्रकार सन्देश सुब्बाको शब्द, दिलीप आङदेम्बेको संगीतमा कर्ण साम्पाङ राई र अनुसा चुँडालको स्वर रहेको उक्त गीतको भिडियोमा स्थानीय कलाकारहरु विवश माङ्मु, समिक्षा राई, सन्त आङ्बो र पम्फा मादेनले अभिनय गर्दैछन् ।

 

पाँचथर र छिमेकी जिल्ला तेह्रथुमको आठ्राई क्षेत्रका विभिन्न पर्यटकीयस्थलहरुलाई समेटेर तयार पारिएको गीतको भिडियोमा पनि शब्दले भनेकै स्थलहरुलाई देखाउँने गरी छायाङ्कन भइरहेको निर्देशक राईले बताए । ‘त्यसैले यो भिडियोले दुई जिल्लाको पर्यटन प्रबद्र्धनमा थप टेवा पु¥याउँने विश्वास लिएका छौं’ निर्देशक राईले भने । करीब १ लाख अनुमानित लागतमा निर्माण भइरहेको भिडियोको छायाङ्कन डिकेश इधिङ्गोले गरिरहेका छन् ।