गणेशदर्पण अधिकारी÷मकवानपुर

गायिका मीरा राणा हेटौंडामा नगद एकलाख रुपैंया सहित पुरस्कृत भएकी छिन् । चौथो भीम विराग स्मृति दिवसको सन्दर्भमा शनिबार उनलाई एक लाख रुपैंयाको विजुलीमाया वन श्रेष्ठ राष्ट्रिय सङ्गीत पुरस्कार प्रदान गरिएको हो ।

 

भीम विराग सङ्गीत साहित्य कला प्रतिष्ठानले हेटौंडामा एक कार्यक्रमको आयोजना गरी वि.स २०२२ देखि साड्डितिक क्षेत्रमा सक्रिय गायिका राणालाई पुरस्कार प्रदान गरेको हो । गीतकार, संगीतकार एवम् निर्देशक चेतन कार्की, मकवानपुरका प्रमुख जिल्ला अधिकारी डा.मानबहादुर विश्वकर्मा, प्रतिष्ठान अध्यक्ष तुल्सी थापालगायतले गायिका राणालाई नगद एवम् प्रमाणपत्र प्रदान गर्दै दोसल्ला ओढाएका हुन् ।

 

पुरस्कार मकवानपुरका व्यवसायी कन्हैयाकृष्ण श्रेष्ठले आमाको नाममा स्थापना गरेका हुन् । यस पुरस्कारबाट विगत नौ बर्षदेखि राष्ट्रिय स्तरका गायक गायिकालाई प्रदान गरिंदै आएको छ । पुरस्कार लिएपछि खुसी हु“दै गायिका राणाले एकलाख रुपैंयाको पुरस्कार भन्दा पनि आफूलाई भीम विराग संङ्गीत साहित्य कला प्रतिष्ठानले सम्झिनु नै ठूलो कुरा भएको प्रतिक्रिया दिइन् । ‘मलाई पुरस्कारको लागि योग्य सम्झिनु नै करोडौ“को सम्पति हो’ उनले भनिन् । उनले बनेको छ छहाराले यो छाति मेरो....., बाडुल्की लाग्यो....., मखमली चोलो चाहि“दैन..लगायतका गीतहरु कार्यक्रममा सहभागीमाथ प्रश्तुत गरेकी थिइन् । कार्यक्रममा सानै उमेरमा उत्कृष्ट गीत गाएको भन्दै हेटौंडा–१० का ५ वर्षीय चिराग डङंगोललाई पनि सम्मान गरिएको थियो ।

 

बाल गायक डङ्गोलले कार्यक्रममा नेवारी र नेपाली भाषाको गरी दुई वटा गीत गाएर सुनाएका थिए । पुरस्कार वितरण कार्यक्रममा मकवानपुरका प्रमुख जिल्ला अधिकारी विश्वकर्मँसहित विभिन्न साहित्य क्षेत्रमा संलग्न रहेका विभिन्न व्यक्तिहरुले मन्तव्य व्यक्त गरेका थिए । यस्तै हेटौंडेली गायक गायिकाहरुले आफ्नो साङ्गीतिक कोसेली समेत प्रश्तुत गरेका थिए । कार्यक्रम भीम विराग संङ्गीत साहित्य कला प्रतिष्ठान अध्यक्ष तुल्सी थापाको अध्यक्षतामा भएको हो ।