मनोरञ्जन

रामेश्वरमा चित्रकला प्रतियोगिता

राजु थापा, भदौ २१, कालिका,
भरतपुर २ क्षेत्रपुरमा रहेको रामेश्वर पुस्तकालयले आज उपमहानगर पालिका भित्रका विद्यालय स्तरिय चित्रकला प्रतियोगिता सम्पन्न गरेको छ । पुस्तकालयले आठौ राष्ट्रिय पुस्तकालय दिवस एवंम साक्षरता दिवसको अवसर पारेर चित्रकला प्रर्दशन गरेको हो ।
नगर चित्रका १५ विद्यालयका ३० जना निम्न माध्यामिक विद्यालयका विद्यार्थीहरुको सहभागिता रहेको चित्रकला प्रतियोगितामा विशेष गरि चरा र जनावरको चित्र बनाउन लगाईएको थियो । पुस्तकालयका अध्यक्ष केशव कुमार श्रेष्ठको सभापतित्वमा सम्पन्न भएको कार्यक्रमको संयोजक रामकृष्ण गुरुङले गर्नु भएको थियो ।
प्रतियोगितामा विजयी विद्यार्थीहरुलाई सोमवार (भोलि) परेको साक्षरता दिवसको अवसरमा पुरस्कार प्रदान गरिने छ । पुरस्कार प्रथमलाई १२ सय, द्धितियलाई ८ सय र तृतिय लाई ५ सय रहेको संयोजक गुरुङले जनाकारी दिनु भयो । चित्रकलाको निर्णायकमा रामकृष्ण गुरुङ, जर्नादन ढकाल र भरत सुनार रहनु भएको छ । यस्तै पुस्तकालयले सोमवार नै नगर क्षेत्रका ९ सामुदायिक विद्यालयका निम्न माध्यामिक विधालयका १८ विद्यार्थीलाई छात्रावृति वितरण समेत गरिने आयोजकले बताएका छन् ।