कालिका भाद्र १३

 

कालिका एफ.एमका कार्यक्रम प्रमुख मनोज पन्तलाई चलचित्र पत्रकार संघ चितवनको अधिवेशन सम्पन्न गर्ने जिम्मा तोकिएको छ । 

 

संघको आगामी असोज २ गते हुने अधिवेशन संचालनका लागि पन्तको संयोजकत्वमा सम्पूर्ण जिम्मेवारी तोकिएको हो । संघले चितवन शाखाका कार्यबाहक अध्यक्ष रामेश्वर रिजाल , सचिव गोविन्द अर्याल, सहसचिव सागर ढुंगाना, सदस्यहरु ज्ञानेन्द्र तामाङ, सन्दिप भट्ट, सुरेन कुँवर र सन्दिप भट्टराईले दिएको राजिनामा स्वीकृत गरेको छ । 

 

संघले एक प्रेश विज्ञिप्ति जारी गर्दै केही सदस्यले दिएको राजीनामा समेत फिर्ता भएको जानकारी समेत गराएको छ ।

 

केन्द्रीय उपाध्यक्ष विष्णु प्रसाद सुवेदी द्धारा जारी विज्ञप्तिमा राजीनामा दिएका ओमकार अर्यालले दबाबमा राजीनामा पत्रमा हस्ताक्षर गराइएको भन्दै फिर्ताका लागि निवदेन दिएकाले उनको राजीनामा फिर्ता भएको उल्लेख गरिएको छ । 

 

संघले सदस्य नवीकरण र नयाँ सदस्यताका लागि संयोजक पन्तलाई सम्पर्क गर्न अनुरोध गरेको छ ।