मनोरञ्जन

१६ बर्षीय सन्दिपले बनाए गितार (फोटो फिचरसहित)

लक्ष्मी पौडेल

कालिका, असार ३० ।

चितवन भरतपुरका १६ बर्षीय सन्दिप शर्माले गितार निमार्ण गरेका छन् । २०७१ सालमा एसएलसी दिएका शर्माले एसएलसी पछिको खाली समयमा गितार निमार्ण गरेका हुन् । उनले काठ, तार लगायतका सामाग्रीबाट ३ हजारको लागतमा गितार निमार्ण गरेका छन् ।

संगित र नयाँ नयाँ खोजमा बढी रुची भएका शर्माले ईन्टरनेटमा गितारका मोडल हेरेरै नयाँ गितार आफैले निमार्ण गरे । एक महिना लगाएर गितार निमार्ण गरेका सन्दिप भन्छन्, “सामान नभएर चक्कु कैचीकै सहायताले बनाउनुपर्दा समय लाग्यो । गितार बनाउन चाहिने साम्रागी पनि बजारमा नपाईने रैछ, नत्र त एक साता मै बनाई सक्थेँ ।”

सुरुमा काम थाल्दा घर परिवार र साथीभाईले वास्तै नगरे पनी गितार बन्ने छाँट देखेपछी आमाले पैसा दिएको अनुभव सुनाउछन् उनी ।

गितार बनाउन उनले प्लाईवुड, सालको काठ, तार, नट र गितार आकर्षक बनाउन रंगको प्रयोग गरेका छन् । ड्रम सेट बजाउन सिक्न जादाँ गितार देखेका उनलाई बनाउनै रहर जाग्यो ।

अनी एसएलसी पछिको समय सदुपयोग गरे । त्यतीमात्र होईन उनी कलात्मक रुपमा मन्दीर, घर बनाउन, चित्र बनाउन तथा पेन्टीङ गर्न पनि सिपालु छन् ।

अर्किड उच्च मावि भरतपुरबाट एसएलसी दिएका उनी पढाईमा पनि तेज छन् । गितार बनाईसके पछी आफ्ना शिक्षकलाई देखाउन गएका उनलाई शिक्षकले नेपालमै नबन्ने गितार बनाएको भन्दै स्यावासी दिएको उनी बताउछन् ।

तस्विरमा उनले बनाएको गितारः

१६ बर्षीय सन्दिपले बनाए गितार (फोटो फिचरसहित)