साहित्य

बाल साहित्यकार अधिकारीको कवितासंग्रह विमोचन बाल साहित्यकार अधिकारीको कवितासंग्रह विमोचन
काठमाडौँ, ५ फागुन (रासस) 
बाल साहित्यकार मारिया अधिकारीद्वारा लिखित ‘धर्तीमाताको काखमा’ कवितासंग्रह विमोचन भएको छ । 
 
हेड्स नेपालले आज यहाँ आयोजना गरेको कार्यक्रममा १० वर्षीया बालिका अधिकारीद्वारा अंग्रेजी भाषामा लिखित ९इल त्जभ ीबउ इा ःयतजभच भ्बचतज० अर्थात् ‘धर्तीमाताको काखमा’ कवितासंग्रहको वरिष्ठ साहित्यकार हरिहर अधिकारी ‘श्यामल’ले विमोचन गर्नुभएको हो । 
 
साहित्यकार श्यामलले नेपाली बालिकाले अंग्रेजी साहित्यमा विभिन्न कवितामार्फत खेलेको भूमिका प्रशंसनीय रहेको उल्लेख गर्दै नेपाली बिम्वलाई अन्तर्राष्ट्रियस्तरसम्म फैलाउन सकेमात्र ठूलो सफलता हासिल हुने बताउनुभयो । 
 
पाँच कक्षामा अध्ययनरत अधिकारी नर्सरीसम्मको पढाइ नेपालमा र त्यसपछिको पढाइ अमेरिकामा पढ्दै आउनुभएको छ । उहाँ बुबा कृष्ण अधिकारी र आमा अनुपमा शर्मासँग कोलोराडो बस्दै आउनुभएको छ । 
 
त्रिभुवन विश्वविद्यालयका प्राध्यापक कर्णबहादुर बानियाँले नेपालमा बाल साहित्य समाज गठन भए पनि उक्त समाजले सोचेजस्तो काम गर्न नसकेको बताउनुभयो । 
 
वरिष्ठ साहित्यकार बद्री खनालले कविता जबर्जस्ती नलेखिने र कविता लेख्न प्रतिभा चाहिने र उक्त प्रतिभा मारियासँग भएको उल्लेख गर्नुभयो । हेड्स नेपालका अध्यक्ष ईश्वरचन्द्र बानियाँ, साहित्यकार एवं वरिष्ठ पत्रकार रमेश पौडेल, हेड्स नेपालका उपाध्यक्ष पुष्पराज पौडेललगायतले मारियाको कवितासंग्रहले विश्वका बालबालिकामा साहित्यप्रतिको नयाँ सन्देश दिएको बताउनुभयो । 
 
एक वर्ष लगाएर लेखिएको उक्त कवितासंग्रहमा सामाजिक, सांस्कृतिक, प्राकृतिक क्षेत्रका २९ कविता समावेश भएको छ ।

Post Comment

More साहित्य

Onair Now Onair Now

Tareli

Started at: 09:15 HRS

Up Next

Kalika Highlights

Starts at: 10:00 HRS

Kalika 91 - Nonstop music
Aja Ko Rashiphal

Special Programs

Kalika Events

  • 12th Music Award