साहित्य

‘पहलमान सिंह स्वाँर दीर्घ साहित्य साधक पुरस्कार’ ब्राजाकीलाई ‘पहलमान सिंह स्वाँर दीर्घ साहित्य साधक पुरस्कार’ ब्राजाकीलाई
काठमाडौँ, २५ कात्तिक (रासस) 
पहलमान सिंह स्वाँर स्मृति प्रतिष्ठानबाट प्रत्येक वर्ष प्रदान गरिँदै आएको २०७४ सालको ‘पहलमान सिंह स्वाँर दीर्घ साहित्य साधक पुरस्कार’ वरिष्ठ साहित्यकार मनु ब्राजाकीलाई प्रदान गर्ने भएको छ । 
 
त्यस्तै ‘पहलमान सिंह स्वाँर प्रतिभा पुरस्कार’ साहित्यकार तीर्थ श्रेष्ठ, तारामान अम्बिकादेवी स्वाँर शिक्षा पुरस्कार प्रा डा प्रेमकुमार खत्री र ‘बलमान सिंह स्वाँर चलचित्र पुरस्कार’ वरिष्ठ चलचित्र निर्देशक चेतन कार्कीलाई प्रदान गरिने भएको छ । 
 
प्रतिष्ठानका संस्थापक सदस्य रहेर महत्वपूर्ण योगदान पु¥याउने प्रतिष्ठानका सदस्य वरिष्ठ गजलकार तथा मुक्तककार ज्ञानुवाकर पौडेललाई सम्मान गर्ने निर्णय भएको सो प्रतिष्ठानले जनाएको छ । 
 
ती पुरस्कार स्वाँरको जन्मजयन्तीका अवसरमा मंसिर ६ गते प्रदान गरिँदै आएकामा यस वर्ष केही समयपछि विशेष समारोहको आयोजना गरी प्रदान गर्ने निर्णय भएको पनि सो प्रतिष्ठानले जनाएको छ । 
 
‘पहलमान सिंह स्वाँर दीर्घसाहित्य साधक पुरस्कार’ को राशि रु २५ हजार, ताम्रपत्र र दोसल्ला, ‘पहलमान सिंह स्वाँर साहित्य प्रतिभा पुरस्कार’ को राशि रु १० हजार, ताम्रपत्र र दोसल्ला, ‘तारामान सिंह अम्बिकादेवी स्वाँर शिक्षा पुरस्कार’ को राशि रु १० हजार, ताम्रपत्र र दोसल्ला तथा ‘बलमान सिंह स्वाँर चलचित्र पुरस्कार’को राशि रु १० हजार, ताम्रपत्र र दोसल्ला रहेको छ । 

Post Comment

More साहित्य

Onair Now Onair Now

Bhakti Sudha

Started at: 04:05 HRS

Up Next

Swadesh Gaan

Starts at: 05:00 HRS

Kalika 91 - Nonstop music

Recent News

पछिल्ला २४ घण्टाका समाचारहरु
Aja Ko Rashiphal

Special Programs

Kalika Events

  • 12th Music Award