अन्तर्राष्ट्रिय

पुटिन भन्नुहुन्छ— अमेरिकासँग जुनसुकै मुद्दामा कुरागर्न तयार छौँ पुटिन भन्नुहुन्छ— अमेरिकासँग जुनसुकै मुद्दामा कुरागर्न तयार छौँ
मस्को, २७ फागुन ९रासस÷सिन्ह्वा
रुसी राष्ट्रपति भ्लादिमिर पुटिनले आफ्नो देश संयुक्त राज्य अमेरिकासँग जुनसुकै मुद्दामा पनि छलफल गर्न तयार रहेको बताउनुभएको छ । 
 
उहाँले भन्नुभयो– हामी जुनसुकै मुद्दामा पनि कुराकानी गर्न तयार छौँ र अमेरिकाले पनि हामीलाई त्यस्तै हिसाबको व्यवहार गरोस् भन्ने हामी चाहन्छौँ । राष्ट्रपति पुटिनले अमेरिकासँग क्षेप्यास्त्रसँग सम्बन्धित विषयवस्तुहरु, साइबर स्पेस वा प्रतिआतंकवाद जस्तोसुकै विषयमा पनि कुराकानी गर्न हामी तयार छौँ भन्नुभयो । 
 
उहाँले रुसको एनबिसी मिडियासँगको कुराकानीमा सो धारणा सार्वजनिक गर्नुभएको हो । उहाँको सो अन्तरवार्ता उक्त मिडियाले शनिबार प्रकाशन गरेको छ । उहाँले सो अन्तरवार्तामा रुस र अमेरिकाले समस्या वा मुद्दा के छन् भन्ने बारेमा बसेर छलफल गर्नुपर्ने भन्दै यसलाई सार्वजनिक अभिव्यक्तिका रुपमा आक्रोस व्यक्त गर्नेभन्दा पनि वार्ता राम्रो हो भनेर हेर्नुपर्ने बताउनुभएको छ । 
 
मलाई त लाग्छ अमेरिकाका राष्ट्रपति डोनाल्ड ट्रम्प पनि रुससँग सबै विषयमा, सबै मुद्दामा बसेरै वार्ता गरौँ भन्ने पक्षमा हुनुहुन्छ, तर कुनै अर्को शक्तिले उहाँलाई यसो गर्न दिइरहेको छैन— राष्ट्रपति पुटिनले भन्नुभयो । उहाँले समयले अमेरिकालाई पनि रुससँग सबै विषयमा बसेरै वार्ता गर्ने काममा सघाउने र एउटै टेबलमा ल्याउने काम गर्नेमा आफू विश्वस्त रहेको पनि उहाँले अपेक्षा गरेको बताउनुभयो । 
 
अमेरिका र रुसबीच पछिल्लो समयमा सम्बन्ध चिसिएको छ । सन् २०१६ को अमेरिकी राष्ट्रपतीय निर्वाचनमा रुसले वर्तमान राष्ट्रपति ट्रम्पका पक्षमा काम गरेको भन्ने भनाई अमेरिकी मिडियाको रहेको छ । यस कुरालाई डेमोक्र्याटका तर्फबाट राष्ट्रपतिका उम्मेदवार हिलारी क्लिन्टनले पनि अघिसार्नुभएको थियो । त्यसै विषयमा अमेरिकी मिडियाले पनि राष्ट्रपति ट्रम्पलाई निकै खेदेका थिए । 
 
तर यसलाई राष्ट्रपति ट्रम्पले भने स्वीकार गर्नुभएको छैन । तर पनि पछिल्लो समयमा यी दुई देशबीचको सम्बन्धमा तिक्तता आएको छ । राष्ट्रपति भएका सुरुका दिनहरुमा भने ट्रम्पले रुसी राष्ट्रपति पुटिनको निकै प्रसंशा गर्ने गर्नुहुन्थ्यो । तर अहिले सम्बन्ध बिग्रिएको बताइएको छ । 

Post Comment

More अन्तर्राष्ट्रिय

Onair Now Onair Now

Cine Sopan

Started at: 10:10 HRS

Up Next

Kalika News Up-Date

Starts at: 11:00 HRS

Kalika 91 - Nonstop music
Aja Ko Rashiphal

Special Programs

Kalika Events

  • 12th Music Award