अन्तर्राष्ट्रिय

कमाण्डरसहित आठ तालिबान मारिए कमाण्डरसहित आठ तालिबान मारिए
तालुक्वान, अफगानिस्तान, २४ माघ,रासस÷सिन्ह्वा
अफगानिस्तानको राष्ट्रिय सुरक्षा समूहले गरेको कारबाहीमा अफगानिस्तानको तालिबान सशस्त्र आतङ्ककारी समूहका एकजना कमाण्डर सहित आठजना तालिबान लडाकू मारिएको समाचार छ । 
 
अफगानिस्तानको उत्तरी क्षेत्रमा अवस्थित यांगीक्वाला जिल्लामा हवाई सैनिकले गरेको हवाई कारबाहीमा ती लडाकू मारिएको प्राप्त समाचारमा जनाइएको छ । उक्त समूहले गरेको स्थलगत कारबाहीका क्रममा ती कमाण्डर मारिएका हुन् । कारबाहीमा मारिएका ती कमाण्डरसँग उनका दुई जना अंगरक्षक र अरु दुई जना वरिष्ठ तहमा रहेका लडाकू पनि मारिएका बताइएको छ । 
 
अफगानिस्तानको गुप्तचर निकायको सूचनाको आधारमा गरिएको त्यस कारबाहीका क्रममा कमाण्डर मुल्लाह जिन्दानीको ज्यान गएको बताइएको छ । त्यस क्रममा अरु केही लडाकू घाइते पनि भएका छन् । उक्त जिल्लाको चाहल चिनल क्षेत्रमा भएको कारबाहीका क्रममा उनीहरु मारिएका अपगान गृहमन्त्रालयले बुधबार प्रकाशन गरेको विज्ञप्तिमा जनाइएको छ । 
 
मुल्लाह तालिबान आतङ्ककारी संगठनको क्षेत्रीयस्तरका कमाण्डर रहेको खुलेको छ । सो समाचार अफगान सेनाका एकजना अधिकारीले यसअघि नै दिइसकेका थिए । अफगानिस्तानको कुन्दुज प्रान्त नजिकै पर्ने सो क्षेत्रमा पछिल्लो समयमा यहाँको सुरक्षा निकायले तालिबानका विरुद्धमा कडा कारबाही जारी राखेको छ । 
 
यसअघि पनि गतहप्ता मात्र सोही प्रान्तमा तालिबानका एक क्षेत्रीयस्तरका कमाण्डर मारिएका थिए । त्यस घटनापछि अरु केहीले अफगान सेनासमक्ष आत्मसमर्पण गरेका थिए । 

Post Comment

More अन्तर्राष्ट्रिय

Onair Now Onair Now

Bhanjyang Ka Suseli Haru

Started at: 03:05 HRS

Up Next

Kalika News Up-Date

Starts at: 04:00 HRS

Kalika 91 - Nonstop music
Aja Ko Rashiphal

Special Programs

Kalika Events

  • 12th Music Award