अन्तर्राष्ट्रिय

भेनेजुएलाको संकट समाधान सैनिकबाट हुने : ट्रम्प
संयुक्त राज्य अमेरिका, २८ साउन । भेनेजुएलामा हाल जारी संकट समाधान सैन्यबलबाट हुन सक्ने अमेरिकी राष्ट्रपति डोनाल्ड ट्रम्पले शुक्रबार बताउनु भएको छ । 
 
अमेरिकासँग भेनेजुएलाको समस्या समाधान गर्ने घेरै उपाय भएको तर त्यस मध्य सैन्यबलबाट गरिने उपाय पनि एउटा भएको उहाँले बताउनु भएको हो । 
 
भनेजुएलाको विषयमा भएको छलफलको क्रममा एक सम्बाददाताले गरेको प्रश्नको जवाफ दिदै अमेरिकी सेना संसारभरी रहेका र भेनेजुएला अमेरिकाबाट खासै टाढा नरहेको बताउनु भएको छ । 
 
भेनेजुएलामा जारी द्वन्द्वको कारण सर्वसाधारणले ज्यान गुमाउनुको साथै दुख पाएका यस अवस्थामा अमेरिकासँग भएको घेरै समाधान मध्ये सैन्यबलबाट हुने समाधान पनि एक भएको ट्रम्पको भनाई छ । 
 
भेनेजुएलाका रक्षा मन्त्री भ्लादिमिर प्याड्रिनोले ट्रम्पको यस भनाईलाई ‘पागलपनको उपज’ भन्ने संज्ञा दिनु भएको छ । 
 
भेनेजुएयाली राष्ट्रपति निकोलास मादुरो बनाएको नयाँ संबिधान सभालाई गैरकानूनी भएको भन्दै देशभित्र विपक्षीको प्रदर्शन जारी रहेको छ भने विदेशमा पनि यसको व्यापाक आलोचना भएको छ । अमेरिकाले राष्ट्रपति मादुरोलाई अधिनायकवादीको संज्ञा दिदै विभिन्न प्रतिबन्धहरु लगाएको छ । 
 
भेनेजुएलामा करिब दुई हप्ता अगाडी आम निर्वाचन सम्पन्न भएको थियो । राजनीतिक सङ्कट समाधान गर्नका लागि संविधान पुनर्लेखन गर्न नयाँ शक्तिशाली निकायको आवश्यकता रहेको भन्दै यहाँका राष्ट्रपति निकोलास् मादुरोले निर्वाचनको आह्वान गरेका थिए । 
 
सो निर्वाचन निकै विवादमा परेको र निर्वाचनको औचित्य र वैद्यतामा प्रश्न उठाइएपनि भेनुजुएलाका राष्ट्रपति यस निर्वाचनमा आफू विजयी भएको दावी गर्दै विपक्षीको विरोधका बीच पनि नयाँ सविधान सभाको गठन गर्नु भएको थियो । 
 
अन्तर्राष्ट्रिय जगतले यसलाई राष्ट्रपति मादुरोको शक्ति बढाउने काम मात्र भएको टिप्पणी गरेका थिए । कैयाँै देशले यो निर्वाचन अनावश्यक भएको समेत टिप्पणी गरेका छन । 
 
विपक्षीले यस निर्वाचन बहिष्कार गरेका थिए । भेनेजुएलाको प्रतिपक्षी गठबन्धन समूह डेमोक्रेटिक युनिटी राउन्ड टेबल (एमयूडी) ले वर्तमान राष्ट्रपति मादुरोले भेनेजुएलामा राजनीतिक सङ्कट चरम सीमामा पुग्दासमेत समाधान गर्न नसकेको आरोप लगाउँदै आएको थियो । 
 
आर्थिक सङ्कटसमेत चुलिएको भन्दै विगत चार महिनायता त्यहाँ विपक्षीहरुले आन्दोलन जारी राखेका छन । सो आन्दोलनको क्रममा हालसम्म १३० भन्दा बढी नागरिकले ज्यान गुमाइसेका छन । 
 
मादुरो संसदमा अल्पमतमा परेकाले संसदीय विरोधलाई छल्न संविधान सभाको ‘प्रपञ्च’ रचेको विपक्षी आरोप लागाउँदै आएको छ । 
 
सो निर्वाचन ५४५ सदस्यका लागि भएको हो । जहाँ छ हजारभन्दा बढी उम्मेदवार भए पनि एकजना पनि उम्मेदवारले विपक्षी दलको तर्फबाट भाग लिएका थिएन । रासस÷एएफपी 

Post Comment

More अन्तर्राष्ट्रिय

Special Programs

Kalika Events

  • 12th Music Award