कालिका वैशाख २६– 

 

अष्ट्रेलियाली प्रहरीले एक १७ वर्षीय युवकलाई आतंकवादसंग सम्बन्धित आरोपमा पक्राउ गरेको छ । प्रहरीकाले उनलाई मेलबर्न नजिक पक्राउ गरेको हो ।

 

 ती युवकले शहरमा तीन बम विस्फोट गराउन खोज्ने योजनाकारको नाम दिएका छन् । प्रहरीले हिजो ग्रीनवेल इलाकामा रहेको एक घरमा छापा मारेको थियो । 

 

पक्राउ गरिएको यस युवकको पहिचान अहिले सार्वजनिक भने गरिएको छैन । तर सोमवार ती युवकलाई अदालतमा पेश गरिने बीबीसीले जनाएको छ ।

 

प्रधानमन्त्री टोनी एबोटले दिएको जानकारी अनुसार त्यहाँ बम विस्फोट गर्ने योजना बुनिएको प्रमाण भेटिएको थियो ।

 

 तर यस विस्फोटको निशाना को थियो भन्ने प्रहरीले पुष्टि गर्न सकेको छैन । मेलबर्नमा मात्रै पछिल्ला महिना पाँच जनालाई हिरासतमा लिसकिएको छ ।  ( एजेन्सीको सहयोगमा )