कोलम्बो, १९ वैशाख ।

अमेरिकी विदेशमन्त्री जोन केरीले श्रीलङ्कामा पूर्व शक्तिशाली नेता महिन्दा राजापक्षेको प्रस्थानपछि नयाँ सुधारवादी सरकारले त्यहाँको व्यापक क्षति पु¥याउने जातीय द्वन्द्वपछि तमिल समुदायसँगको मेलमिलापका लागि ठूलो प्रगति गरेको शनिबार बताउनुभएको छ । 

 

उहाँले राष्ट्रपति मैत्रीपाला सिरिसेनाका साथै उच्च अधिकारीहरूसँग भेटवार्ता पछि दुईपक्षीय सम्बन्धका लागि असाधारण अवसर प्राप्त भएको बताउनुभयो । उहाँले यसका लागि वासिङटनले सकेसम्मका प्रयास गर्ने बताउनुभयो । 

 

उहाँले श्रीलङ्काली विदेशमन्त्री मङ्गला समराविरासँगै उपस्थिति भएर श्रीलङ्काले केही महिनामा निकै प्रगति गरेको विषयमा छलफल भएको बताउनुभयो । 

 

उहाँले श्रीलङ्काली जनताले आफ्नो प्रजातन्त्र पुनस्र्थापना गर्ने यात्रामा अमेरिकी जनता साथ रहेको बताउन आफू यहाँ उपस्थित भएको बताउनुभयो । जनवरी महिनामा निर्वाचनपछि राष्ट्रपति सिरिसेनाले आफूले दिएको बचन पुरा गर्न थाल्नुभएको छ । 

 

मङ्गलबार सांसदहरूले राष्ट्रपतिको पदावधि दुई कार्यकालसम्म सीमित बनाउने तथा प्रहरी तथा न्यायपालिकाको व्यवस्थापनका लागि स्वतन्त्र संस्था पुनस्र्थापना गर्ने विधेयकलाई समर्थन गरेका छन् । 

 

अमेरिकी विदेशमन्त्री केरीले सरकारले तमिल समुदायसँग मिलेर काम गर्न खोजेकोमा पनि प्रशंसा गर्नुभयो । श्रीलङ्कामा ३७ वर्षसम्म चलेको जातीय द्वन्द्वमा एक लाख भन्दा बढी व्यक्तिको मृत्युभएको थियो । 

 

श्रीलङ्काली समकक्षी समरविराले अमेरिकी विदेशमन्त्री केरीलाई कोलम्बो विमानस्थलमा स्वागत गर्नुभएको थियो । यो अमेरिकी विदेशमन्त्रीको श्रीलङ्कामा एक दशकमा पहिलो भ्रमण हो । 

 

विदेशमन्त्री समरविराले दुई मुलुकबीच विशेष सम्बन्ध आरम्भ भएको बताउनुभयो । अमेरिकी विदेशमन्त्री केरीले श्रीलङ्काली राष्ट्रपतिसँग करिब ३० मिनेट वार्ता गर्नुभयो । राससरएएफपी