वासिङटन, १५ वैशाख । 

अमेरिकी विदेशमन्त्री जोन केरी आफ्नो पहिलो भ्रमणका रुपमा दक्षिण एसियाली देश श्रीलङ्का जानुहुने भएको छ । 

 

साथै उहाँले सोही क्रममा अन्य देशहरु केन्या र जिबोउटीको पनि भ्रमण गर्नुहुने भएको समाचारमा जनाइएको छ । 

 

मानवअधिकारको विषयलाई लिएर विगत लामो समयदेखि विवादास्पद रहेको श्रीलङ्काको भ्रमणमा लामो समयपछि उहाँ जान लाग्नुभएको हो । 

 

उहाँले आगामी मे २ मा श्रीलङ्काको भ्रमण गर्नुहुने बताइएको छ । श्रीलङ्कामा नयाँ सरकार निर्माण भएपछि उहाँ पहिलो पटक सो देशको भ्रमणमा जान लाग्नुभएको हो । 

 

उहाँ एक दसकपछि श्रीलङ्काको भ्रमण गर्ने पहिलो अमेरिकी विदेशमन्त्री हुनुहुन्छ । यसअघि सन् २००४ मा अमेरिकी विदेशमन्त्री कोलिन पावेलले श्रीलङ्काको भ्रमण गर्नुभएको थियो । 

 

विदेशमन्त्री केरीले त्यहाँ विभिन्न नेताहरुका साथै श्रीलङ्काली राष्ट्रपति सिरिसेना मैत्रीपालासँग भेटवार्ता गर्नुहुने छ । रासस÷एएफपी