वासिङ्गटन, ८ वैशाख ।

दक्षिण अफ्रिकामा बसोबास गरिरहेका विदेशी नागरिकमाथि केही दिनयतादेखि भएको आक्रमणको संयुक्त राज्य अमेरिकाले सोमबार कडा शब्दमा निन्दा गरेको छ । 

 

विदेशी नागरिकमाथि भएको यस हिंसामा संलग्न व्यक्तिलाई कडाभन्दा कडा कारबाही गर्न समेत दक्षिण कोरियाली नेताहरुसँग अमेरिकाले आह्वान गरेको छ । 

 

दक्षिण अफ्रिकी सरकार र नागरिक समाजका नेताहरुसँग संयुक्तरुपमा यस हिंसाको विरुद्ध कडा शब्दमा निन्दा गर्दै अमेरिकी विदेश मन्त्रालयले यस्ता घट्ना अन्तर्राष्ट्रिय कानुन विपरीत भएकाले दोषीमाथि कडा कारबाही हुनुपर्ने बताएको हो । 

 

अमेरिकी विदेश मन्त्रालयका प्रवक्ता मारिया हार्फले दैनिक समाचार प्रेस भेटका क्रममा समाचारदातालाई अमेरिकाको सो धारणाका बारेमा जानकारी दिनुभएको छ । 

 

यस हिंसाबाट मानवीय हताहतका साथै सम्पत्ति र परिवारमा परेको क्षतिका लागि अमेरिकाले दुःख व्यक्त गरेको पनि अमेरिकाले जनाएको छ । 

 

सो आक्रमणमा परी सात व्यक्तिले ज्यान गुमाएका छन् । तीमध्ये तीन दक्षिण कोरियाली नागरिक र चार विदेशी नागरिक रेहका बताइएको छ । 

 

गत मार्चको २५ देखि विदेशी नागरिक लक्षित यस हिंसामा दक्षिण अफ्रिकामाा व्यापार व्यवसाय सञ्चालन गरी आएका नागरिकमाथि पनि आक्रमण गरिएको थियो । 

 

ती व्यक्तिका पसलमा आगो लगाउने, लुटपाट मच्चाउने जस्ता हिंसाजन्य कार्यहरु हुँदै आएको बताइएको छ । सो हिंसाको कारण हजाराँै विदेशी नागरिक घर फर्किन बाध्य भएका बताइएको छ । रासस÷सिन्ह्वा