लिस्बोन, ६ वैशाख ।

 पोर्चुगलको प्रमुख प्रतिपक्षी दलले दिएको राष्ट्रिय मितव्ययिता विरोधी सुझावको प्रधानमन्त्री पेड्रो पासोस कोएल्होले विरोध गर्नुभएको छ । 

 

पोर्चुगलको राष्ट्रिय अर्थतन्त्रले १.७ अर्ब युरो (१.८ अर्ब अमेरिकी डलर) घाटा बेहोरी रहेकोमा राष्ट्रव्यापी मितव्यायिता अपनाउन छाड्ने हो भन्ने घाटाको अर्थ व्यवस्था झन झनै चर्केर जाने समेत उहाँले चेतावनी दिनुभएको छ । 

 

सन् २०११ मा मुलुकको अर्थतन्त्र झन्डै टाट पल्टिने स्थितिमा पुग्दा पोर्चुगलले ७८ अर्ब युरो ऋण लिई त्यस बखत मुक्ति पाएको थियो । 

 

गतवर्ष उक्त ऋण चुक्ता भइसक्दा पनि राष्ट्रिय अर्थतन्त्रमा यसले पारेको असर समाप्त भइसकेको छैन । यसै परिस्थितिलाई ध्यानमा राखी केन्द्रको दक्षिणपन्थी सरकारले आर्थिक लक्ष्य हासिल गर्न कडा मितव्ययिताको कार्यक्रमहरू लागू गर्दै आएको छ । 

 

 

त्यसैगरी प्रधानमन्त्री पेड्रोले यसवर्ष आर्थिक वृद्धिदर १.५ प्रतिशत हासिल गर्ने र आगामी वर्ष १.७ प्रतिशत पु¥याउने लक्ष्य राख्नु भएको छ ।

 

तीनवर्षदेखि निरन्तर आर्थिक मितव्ययिता लागू गरेकोमा प्रतिपक्षीहरू रुष्ट भई सरकारलाई मितव्ययिता कम गराउने खालका कार्यक्रमहरू सुझाएका थिए । 

 

पोर्चुगल संसदमा तीन महिना छलफल कार्यक्रमलाई सम्बोधन गर्नुहुँदै प्रधानमन्त्री पेड्रोले मुलुकलाई अतिरिक्त आर्थिक घाटा भार दिने नहुने बताउनुभयो । 

 

मितव्ययिता विरोधी कार्यक्रम लागू गर्दा सन् २०१६ सम्म घाटा अर्थतन्त्रलाई शून्य बनाउने लक्ष्य हासिल हुन नसक्ने भन्दै उहाँले प्रतिपक्षीले सुझाएको कार्यक्रमको आलोचना