लुसाका, २३ चैत । जाम्बियाको दक्षिणी भागमा सोमबार एक हलुका ट्रक एक पसलमा ठक्कर खाई पल्टिदा सत्र व्यक्तिको मृत्यु भएको जानकारी प्रहरी प्रमुखले दिएका छन् । 

 

दक्षिणी प्रान्तका प्रहरी आयुक्त म्यारी चिक्वान्दाले राजधानी लुसाकाबाट मन्जेतर्फ माझीहरुको समूह लिएर गएको एक क्यान्टर ट्रक माजाबुकामा ट्राफिक बत्तीमा रोकिन नसक्दा नजिकैको पसलमा ठक्कर खाई पल्टिएको बताउनुभयो । 

 

उहाँले चालकको पनि घटनास्थलमै मृत्यु भएको बताउनुभयो । उहाँले ट्रक उच्च गतिमा रहेको र ट्राफिक बत्तीमा पनि रोकिन नसकी पसलमा ठक्कर खान पुगेको बताउनुभयो । उक्त क्यान्टर ट्रक त्यसपछि पल्टिएको थियो र त्यसमा रहेका १७ व्यक्तिको घटनास्थलमै मृत्यु भएको थियो । घटना रातीको १ः०० बजे भएको बताइएको छ । 

 

यस दुर्घटनामा घाइते भएका अन्य चार व्यक्तिलाई अस्पताल लगिएको छ । 

 

माजाबुका राजधानी लुसाकाबाट १३० किलोमिटर दक्षिणमा पर्छ र यस क्षेत्रमा यातायातका लागि प्रायः हलुका ट्रक प्रयोग हुन्छ । 

 

जाम्बियामा सडक दुर्घटना सामान्य रुपमा भइरहन्छ र यसका प्रमुख कारणमा गाडीको गति तथा राजमार्गको बिग्रदो अवस्था भएको बताइन्छ । रासस÷एएफपी