भारतका विभिन्न दशवटा सहरमा वायु प्रदुषणसम्बन्धी मापदण्ड लागू गरिने भएको छ । सो मापदण्डको उद्घाटन प्रधानमन्त्री नरेन्द्र मोदीले सोमबार गर्नुभएको हो । 

 

प्रधानमन्त्री मोदीले नयाँ दिल्लीमा सो मापदण्डको उद्घाटन गरी भारतका विभिन्न दशवटा सहरमा यो मापदण्ड लागू भएको घोषणा गरिएको राजधानी नयाँ दिल्लीबाट प्राप्त समाचारमा जनाइएको छ । 

 

ती सहरमा सरकारका सशक्त संयन्त्रमार्फत यो मापदण्ड लागू भए नभएको बारेमा कडाईका साथ अनुगमन गरिने जानकारी सरकारी अधिकारीहरुले दिएका छन् । 

 

देशको राजधानी नयाँ दिल्लीमा सबै राज्यका वातावरणमन्त्रीहरुको सहभागितामा यससम्बन्धी सम्मेलन पनि सुरु भएको छ । सो सम्मेलनको उद्घाटन गर्दै प्रधानमन्त्री मोदीले उक्त मापदण्डलाई कडाईका साथ लागू गर्न निर्देशन दिनुभएको हो ।