कुवेत सिटी, १७ चैत ।

संयुक्त राष्ट्रसंघले सिरियाका लागि अरबौँ डलर बराबर सहायताको खाँचो रहेको जनाएको छ । 

संयुक्त राष्ट्रसंघका दाताहरुको सम्मेलनका क्रममा राष्ट्रसंघले उक्त धारणा राखेको हो । राष्ट्रसंघले हाल सिरियाका लागि अरबौँ डलर बराबरको खाँचो रहेको जनाएको हो । 

 

सिरियामा मानवीय बिचल्ली भएको भन्दै विज्ञहरुले सो सम्मेलनको सुरुवात गर्न लागेका हुन् । जसका कारण विश्वका दाता राष्ट्रहरुले सिरियाको सहयोगका लागि सो सम्मेलनको आयोजना गरेका हुन् । 

सिरियामा चार वर्षभन्दा लामो समयदेखि जारी राखेको गृहयुद्धका कारण त्यहाँका नागरिकमा बिचल्ली भएको बताइएको छ । जसका कारण पनि सो सम्मेलनको आयोजना गर्नुपरेको हो । 

संयुक्त राष्ट्रसंघले यसवर्षको सुरुमै सिरियाका लागि कम्तीमा पनि साढे आठ अर्ब अमेरिकी डलरको खाँचो रहेको जनाएको थियो । 

साथै राष्ट्रसंघले सो सहयोगका लागि सबै दाताहरुसँग आग्रह पनि गरेको छ । राष्ट्रसंघले उसका दाताराष्ट्र एवम् संघसंस्थालाई सहायताका लागि याचना गरेको हो । कुवेतमा मङ्गलबार सुरु हुन लागेको सो सम्मेलनमा विश्वका करिब ७८ देशका प्रतिनिधिहरुको सहभागिता रहने जनाइएको छ । 

मङ्गलबार सुरु भएको सो सम्मेलनको अध्यक्षता राष्ट्रसंघका महासचिव बान कि मुनले गर्नुहुने बताइएको छ । साथै सो सम्मेलनको उद्घाटन कुवेतका राजाले गर्नुहुने छ । मानवीय सहायतासम्बन्धी राष्ट्रसंघीय विशेष दूत अब्दुल्लाह अल मातुकले सिरियामा दिनप्रतिदिन महसुश भइरहेको मानवीय सहायताका लागि यो सम्मेलन गरिएको जानकारी दिनुभयो । 

 

सिरियामा गएको चारवर्षदेखि गृहयुद्ध जारी रहेको छ । जसका कारण कम्तीमा पनि दुई लाख नागरिकको ज्यान गइसकेको छ । रासस÷एएफपी