निरज अधिकारी,१२ पुष, बेसीशहर ।

लमजुङ जिल्लाकै सर्वाधीक राशीको त्रिवेणी कप राष्ट्रव्यापी फुटबल प्रतियोगीता बुधबारबाट शुरु भएको छ  । २६ औँ संस्करणमा प्रवेश गरेको यस कपको प्रथम उपाधी विजेतालाई नगद ३ लाख पुरस्कार प्रदान गरिनेछ् । 

 

साथै उपविजेताले नगद १ लाख ५० हजार पाउनेछ् । सदरमुकाम बेसीशहरको त्रिवेणी यूवा क्लवको आयोजनामा प्रतियोगीता शुरु भएको हो । प्रतियोगीतामा विभिन्न जिल्लाका २३ टिमले सहभागीता जनाएको आयोजक क्लवका अध्यक्ष छविन्द्रजंङ गुरुङले बताए ।

 

प्रतियोगीताको सेमी फाइनलमा प्रवेश गर्ने दुई टिमलाई नगद ५०÷५० हजार प्रदान गरिने समेत क्लवले जनाएको छ ।  प्रतियोगीता अवधिभरको सर्वाधिक गोलकर्ता र उत्कृष्ट खेलाडीलाई नगद १५÷१५ हजार प्रदान गरिनुका साथै अनुसासित टिमलाई समेत नगद १० हजार वरावरको ट्रफि र प्रमाणपत्रको व्यवस्था गरिएको छ । 

 

सदरमुकाम स्थित पूरा साइजको सहजी खेलमैदानमा सञ्चालित प्रतियोगीताको बुधबार बेसीशहर नपा प्रमुख गुमानसिंह अर्यालले उदघाट्न गरे । उनले स्थानिय तहमा खेलकुदको क्षेत्रलाई प्रथामिकता दिएर काम गर्ने बताए । 

 

बुधबार भएको सो म्याचमा मस्र्याङ्दी भेर्टन्स बेसीशहरलाई शुन्यका बिरुद्ध ३ गोल गर्दै त्रिवेणी भेर्टन्स बेसीशहर विजयी बन्यो । प्रतियोगीताका खेल भने बिहिबारबाट शुरु हुँदैछ् ।