जितेन्द्र भण्डारी÷

 

पाँचथर,पौष ८,

 

पाँचथरको फिदिममा जारी नवौ रुसलान फाल्गुनन्द गोल्डक फुटबल प्रतियोगिताको आजको खेलमा बिर्तामोड यूनाइटेड झापा विजयी भएको छ ।  निर्धारित समयमा दुवै टिमबाट १—१ गोल मात्रै भएपछि पेनालटी सुटआउट मार्फत झापाले मिसन यूनाइटेड क्लव ताप्लेजुङलाई ४—२ गोल अन्तरमा पराजित गरेको हो ।

 

 पहिलो हाफको चौथो मिनेटमै झापाको तर्फबाट आशिष चापागाईले गोल गरेका थिए । जवाफमा ताप्लेजुङका बिकेश लिम्बूले पहिलो हाफको १३ औ मिनेटमा जवाफी एक गोल फकाई बराबरी बनाएका थिए ।

 

त्यसपछि दुवै टिम बाट गोल हुन नसकेपछि खेल पेनालटी सुटआउट मार्फत धकेलिएको थियो । आजको खेलमा उत्कृष्ट प्रर्दशन गर्ने झापाका दिलन लोक्ताम म्यान अफ दि म्याच घोषित भए ।

 

प्रतियोगिता अन्र्तगत भोली हुने क्वाटरफाइन खेलमा सुनसरी ११ र एपीएफ क्लव काठमान्डौँ वीच प्रतिस्पर्धा हुने आयोजक फिदिम स्पोटिङ क्लवका अध्यक्ष बिमल श्रेष्ठले वताउनुभयो ।

 

प्रतियोगिताको विजेताले ३ लाख र उपविजेताले २ लाख रुपैया हात पार्ने छ । आगामी पौष १६ गते सम्म संचालन हुने प्रतियोगितामा एपिएफ क्लब काठमान्डौँ,यूकेफसी दार्जिलिङ,अग्नी रुपन्देही ११,विर्तामोड यूनाइटेड झापा,मिसन यूनाइटेड क्लव ताप्लेजुङ, आयोजक फिदिम स्पोटिङ क्लव,त्रिभुवन आर्मी क्लव काठमान्डौँ,र मोरङ ११ गरी १० टिम सहभागि रहेका छन् ।