काठमाडौं, चैत्र २३ । 

रेडबुल राष्ट्रिय लिग फुटबल अन्तर्गत आजबाट मोफसलका खेलहरु हुँदैछन् । पहिलो पटक होम एण्ड अवेको आधारमा भईरहेको लिगका खेलहरु आज कैलाली र बुटवलमा पनि हुँदैछन् । 

 

धनगढीमा हुने खेलमा घरेलु टोली सुदुपश्चिमाञ्चल फुटबल क्लव कैलालीले पुर्वाञ्चलको मोरङसँग खेल्नेछ भने बुटवलमा जगदम्बा लुम्बिनी फुटबल क्लव र झापा एघार भिड्नेछन् ।

 

यसअघि काठमाडौंमा हिजो भएको दावेदारहरु थ्रिस्टार क्लव र आर्मीविचको भिडन्त गोलरहित बराबरीमा सकिएको छ । दशरथ रंगशालामा भएको खेल गोलरहित बराबरीमा सकिएपछि आर्मी क्लवले लिगमा अग्रता लिने सुन्दर अवसर खेर फाल्यो ।