कालिका, चैत्र १५ । 

आइसीसी विश्वकप क्रिकेटमा उपाधिका लागी दुई आयोजक राष्ट्रहरु अष्ट्रेलिया र न्युजिल्यान्ड भिडिरहेका छन् । न्युजील्यान्डले टस जितेर पहिले व्याटिङ गरीरहेको छ ।

 

अष्ट्रेलियाको मेलबर्न क्रिकेट मैदानमा जारीे फाईनल खेल निकै रोमाञ्चक हुने अनुमान गरिएको छ ।

 

न्युजिल्यान्डले सेमिफाइनलमा दक्षिण अफ्रिकामाथि ४ विकेटको सनसनीपुर्ण जित दर्ता गर्दै इतिहासमै पहिलोपटक फाइनलमा स्थान सुरक्षित गरेको थियो भने अष्ट्रेलियाले साविक विजेता भारतलाई ९५ रनको फराकिलो अन्तरले पाखा लगाउदै फाइनलमा न्युजिल्यान्ड सँगको भेट पक्का गरेको थियो । उपाधिका लागि एक अर्कालाई पाखा लगाउने योजनामा रहेका यि दुई टिम बिचको बिश्वकप इतिहास भने फरक छ ।

 

अष्ट्रेलिया किर्तिमानी पाँचौं पटक उपाधि जित्ने योजनामा छ भने न्युजिल्यान्ड पहिलो पटक विश्व बिजेता बन्ने दाउमा छ ।

 

खेलको कालिका एफएमले प्रत्यक्ष प्रशारण गरिरहेको छ । खेलको ताजा अपडेट तपाई कालिका एफ एमको एसएमएस कोडबाट पनि थाहा पाउन सक्नुहुनेछ । जसका लागी मोबाईलको म्यासेज बक्समा गई आईसीसी टाईप गरि ४८४८ मा पठाउनुपर्ने छ ।