काठमाडौं, चैत १४ ।

 

आगामी बर्ष हुने युरोकपको छनौट खेल खेलीरहेका रसिया र मोन्टेनेग्रो बीचको खेल स्थगीत भएको छ । 

 

दुई टिमका खेलाडी र अफिसियलबीच विवाद भएपछि रेफ्रीले खेल स्थगित गरेका हुन्  । खेलको दोस्रो हाफमा झडप भएपछी जर्मनीका रेफ्री खेल स्थगीत गर्न बाध्य भए ।

 

मोन्टेनेग्रोमा भएको यो खेलको सुरुमा नै रसियाका गोलकिपर इगोर एकिनफेभमाथि आक्रमण भएको थियो । गोलपोष्टमा उभिइरहेका बेला पछाडीबाट उनीमाथि आक्रमण भएको थियो । 

त्यसपछि घाइते भएका उनलाई अस्पतालमा लगिएको थियो ।

 

उनको घाँटीमा चोट लागेको र अवस्था सामन्य रहेको चिकित्सकहरुले बताएका छन् । गोल रक्षक घाइतेभएपछि निर्धातिर समयभन्दा ३५ मिनेछ ढिलो गरी सुरु भएको खेलका क्रममा दुई टिमका खेलाडीले झगडा गरेपछि खेल स्थगित गरिएको हो ।