लक्ष्मी पौडेल कालिका चैत्र १२ ।

 

विश्वकप क्रिकेटमा भारतलाई हराउदै आयोजक अष्ट्रेलीया फाईनलमा प्रवेश गरेको छ । आज घरेलु मैदान सिड्नीमा भारतलाई ९५ रनले पराजीत गर्र्दै अष्ट्रेलीयाले फाईनल यात्रा तय गरेको हो । अब अष्ट्रेलीयाले उपाधीका लागी फाईनलमा आईतबार अर्को आयोजक न्युजील्यान्डसंग भिड्ने छ ।

 

सिड्नीमा टस जितेर पहिले ब्याटिङ गरेको अष्ट्रेलियाले पुरा ५० ओभरको समाप्तिमा ७ विकेट गुमाउदै ३ सय २८ रन जोडेको थियो । आफ्नो टोलीको जितका लागी स्टेभन स्मिथले खेलेको १ सय ५ रनको सतकिय पारी महत्वपुर्ण रह्यो ।

९३ बलको सामना गरेका स्मिथले  ११ चौका र २ छक्का प्रहार गरेका थिए । आरोन फिन्च ८१ रन, सेन वट्सन २८, ग्लेन म्याक्सवेल २३ ,जेम्स फल्कनर २१, डेभिड वार्नर १२ र मिचेल क्लार्क १० रन बनाउदै आउट भएका थिए । भारतका उमेस यादव एक्लैले ४ विकेट लिए पनी हार टर्न सकेन । अष्ट्रेलीयालाई ३ सय २८ रनमा समेट्न मोहित सर्माले २ र रविचन्द्रन अश्विनले १ विकेट लिएका थिए ।

 

जवाफी ब्याटीङमा उत्रेको भारत ४६ ओभर ५ बलमा अल आउट हुदै २ सय ३३ रनमा समेटीयो ।

उसका लागी महेन्द्र सिंह धोनीले ६५, शिखर धवन ४५, अजिन्क्या रहाने ४४ र रोहित शर्मा ३४, रविन्द्र जडेजा १६ रन जोडे । अन्य ब्याट्सम्यान दोहोरो अंक जोड्न असफल रहे ।

 

भारतलाई सस्तोमा खुम्चाउन अष्ट्रेलीयाका जेम्स फल्कनरले ३ तथा मिचेल जोनसोन र मिचेल स्टार्कले समान २÷२ विकेट लिए ।

यस अघि न्युजिल्याण्ड दक्षिण अफ्रिकालाई पराजित गर्दै फाइनल प्रवेश गरिसकेको छ ।