कालिका चैत्र १२ । 

 

जारी ११ औँ विश्वकप क्रिकेटको फाइनल प्रवेशका लागि अष्ट्रेलियाले भारतसामु ३ सय २९ रनको लक्ष्य पेस गरेको छ । सिड्नीमा टस जितेर पहिले ब्याटिङ गरेको अष्ट्रेलियाले पुरा ५० ओभरको समाप्तिमा ७ विकेट गुमाउदै ३ सय २८ रन जोड्यो । 

 

अष्टे«ेलियाका स्टेभन स्मिथले १ सय ५ रनको सतकिय पारी खेले । ९३ बलको सामना गरेका स्मिथले ११ चौका र २ छक्का प्रहार गरेका थिए । यस्तै आरोन फिन्च ८१ रन बनाउदै आउट भए । सेन वट्सन २८, ग्लेन म्याक्सवेल २३ ,जेम्स फल्कनर २१, डेभिड वार्नर १२ र मिचेल क्लार्क १० रन बनाउदै आउट भए ।

 

उता भारतका उमेस यादव एक्लैले ४ तथा मोहित शर्माले २ र रविचन्द्रन अश्विनले १ विकेट लिए । केहिवेरमा भारतले जवाफि व्याटिङ गर्ने छ ।

 

यस अघि न्युजिल्याण्ड दक्षिण अफ्रिकालाई पराजित गर्दै फाइनल प्रवेश गरिसकेको छ । भारत र अष्ट्रेलिया बिचको जारी खेलको कालिका एफ.एमले प्रत्यक्ष प्रसारण गरीरहेको छ । साथै खेलको लाइभ स्कोर तपाईले कालिका एफएमको एसएमएस कोडबाट पनि थाहा पाउन सक्नुहुने छ । जसका लागी मोबाइलको म्यासेस बक्समा गई आई.सी.सी टाइप गरी ४८४८ मा सेण्ड गर्नुपर्ने छ ।