काठमाडौं, चैत्र ११ । 

एएफ्सी अन्डर ट्वेन्टी थ्री छनोट फुटबलको दोस्रो खेलमा आज नेपालले अफ्गानिस्तानसँग खेल्दैछ ।

 

दुई वर्ष अघि काठमाडौंमा सम्पन्न सिनियर टोलीको साफ च्याम्पियनसिपमा नेपाललाई हराँउदै फाईनलमा पुगेको अफ्गानिस्तान पछिल्लो समय जुनसुकै उमेर समुहमा नेपालको मुख्य चुनौती बन्दै गएको छ । यस्तोमा २३ वर्ष मुनिका युवा टोलीलाई आजको खेल दबाबपुर्ण हुनेछ ।

 

ईरानको तेहरानमा जारी प्रतियोगिताको पहिलो खेलमा आयोजक ईरानसँग ५(० ले हारेको नेपाल यसैपनि दबाबमा छ । नेपालको समूहमा आयोजक ईरानसंगै अफगानिस्तान, साउदी अरेबिया र प्यालेस्टाइन रहेका छन् ।

 

एसियाली राष्ट्रहरुलाई १० समूहमा विभाजन गरी खेलाइएको छनोट चरणबाट समूहका विजेता र पाँच उत्कृष्ट उपविजेता गरी १५ टिमले अर्को वर्ष कतारमा हुने फाइनल चरणमा प्रतिस्पर्धा गर्न पाउने छन् ।