कमला गुरुङ, कालिका चैत्र ६–

आई.सी.सी क्रिकेट वल्र्डकप अन्र्तगत तेस्रो क्वाटरफानल म्याचमा आज अष्ट्रेलिया र पाकिस्तान बिच खेल हुँदैछ । एडिलेडमा हुने खेल नेपाली समयानुसार बिहान सवा ९ बजे सुरु हुनेछ । 

 

चारमा जित र एक खेलमा हार निकालेको अष्ट्रेलिया ९ अंक सहित समूह ए को दोस्रो स्थानमा छ । यस्तै, चारमा जित र दुईमा हार बेहोरेको पाकिस्तान ८ अंक सहित समूह बी को तेस्रो स्थानमा छ । दुई फरक पृष्ठभूमि भएको टिम बिचको खेल निकै रोमाञ्चक हुने अनुमान गरिएको छ ।   

 

यस्तै, चौथो क्वाटरफानलमा भोली न्युजिल्याण्ड र वेष्ट इण्डिज बिच खेल हुनेछ । २४ मार्च अर्थात् मंगलवारबाट भने सेमिफाइनलका खेलहरु सुरु हुनेछ । 

 

आजको खेलको लाइभ स्कोर तपाईले कालिका एफ.एमबाट पनि प्राप्त गर्न सक्नु हुन्छ । जसका लागि मोबाइलको म्यासेज बक्समा गई आई.सी.सी टाइप गरी ४८४८ मा पठाउनुपर्नेछ ।