कमला गुरुङ, कालिका चैत्र ५–

 

आई.सी.सी क्रिकेट वल्र्डकप अन्तर्गत दोस्रो क्वाटरफाइनलको खेलमा आज डिफेन्डिङ च्याम्पियन भारत र बंगलादेश भिड्दै छन् । मेलबर्नमा हुने खेल नेपाली समयानुसार बिहान सवा ९ बजे सुरु हुनेछ । 

 

अहिले सम्म एक खेल पनि नहारेको भारत १२ अंकका साथ समूह बी को शिर्ष स्थानमा छ । यस्तै , तीनमा जित र दुईमा हार बेहोरेको बंगलादेश ७ अंक सहित समूह ए को चौथो स्थानमा छ । 

लगातार ६ खेल जितेको भारत आजको खेलमा पनि जित निकाल्दै आफ्नो विजयी यात्रालाई कायमै राख्ने प्रयासमा छ । यदी खेलमा खेलमा बंगलादेशले भारतलाई हराउने हो भने बंगलादेशका लागि यो अप्रत्यासित जित हुनेछ । त्यसैले पनि आजको खेल खेलप्रेमीका लागि निकै रोमाञ्चक हुने अनुमान गरिएको छ । 

 

यस्तै, भोली तेस्रो क्वाटरफाइनलमा अष्ट्रेलिया र पाकिस्तान तथा चौथो क्वाटरफाइनल शनिवार न्युजिल्याण्ड र वेष्टइण्डिज बिच खेल हुनेछ । 

 

आज हुने भारत र बंगलादेश बिचको खेलको लाइभ स्कोर तपाईले कालिका एफ.एमबाट पनि प्राप्त गर्न सक्नु हुनेछ । जसका लागि मोबाइलको म्यासेज बक्समा गई आई.सी.सी टाइप गरी ४८४८ पठाउनु पर्नेछ ।