लक्ष्मी पौडेल कालिका चैत्र ४ ।

 

आई.सी.सी. वर्ल्डकप क्रिकेटको पहिलो क्वाटर फाईनलमा दक्षीण अफ्रिकाले शानदार जित हात पारेको छ आज भएको श्रीलका बिरुद्धको पहिलो खेलमा दक्षीण अफ्रिकाले ९ विकेट को शानदार जित निकालेको हो ।

 

श्रीलकाले पेश गरेको १ सय ३४ रनको झिनो लक्ष्य दक्षीण अफ्रिकाले १८ ओभरमा मात्र १ विकेट गुमाएर भेट्टाएको हो । दक्षीण अफ्रिकालाई जिताउन क्विन्टन डि कक ७८ र फाफ्डु फ्लेसीस २१ रनमा नटआउट रहे । सुरुवाती ब्याट्सम्यान हासीम अम्ला १६ रन बनाएर लाथीस मालीङ्गाको बलमा आउट भएका थिए ।

 

यसअघि सिड्नीमा टस जितेर पहिले ब्याटिङ गरेको श्रीलंकाले ३७ दशमलव २ ओभरमा अलआउट हुदै मात्र १ सय ३३ रन जोडेको थियो । श्रीलंकाका लागी कुमार संगाकाराले बनाएको ४५ रन नै सर्वाधीक रह्यो । ९६ बलको सामना गरेका उनी मोर्ने मोर्केलको बलमा आउट भएका हुन । लाहिरु थिरीमाने ४१, र एन्जेलो म्याथ्युज १९ रन बनाउनु बाहेक अन्य ब्याट्सम्यानले दोहोरो अंक जोड्न सकेनन् ।

 

श्रीलंकालाई सस्तैमा समेट्ने क्रममा दक्षीण अफ्रिकाका ईमरान ताहिर एक्लैले ४ तथा पाउल डुमिनीले ३ विकेट लिए । यस्तै डेल स्टेन, मोर्ने मोर्केल र कायल अबोटले समान १/१ विकेट लिए ।

 

पुर्व विश्वकप बिजेता समेत रहेको श्रीलंकाको प्रर्दशन लज्जास्पद रह्यो । लगातार ४ शतक बनाएका कुमार संगाकारा आज भने चल्न सकेनन् । क्वाटरफाइनलको दोस्रो खेल भोली बंगलादेश र भारत बिच हुनेछ भने तेस्रो खेल शुक्रवार अस्ट्रेलिया र पाकिस्तान बिच हुनेछ ।