काठमाडौँ, २८ फागुन । नेपाल एथलेटिक्स सङ्घको आयोजनामा ४०औँ राष्ट्रिय एथलेटिक्स प्रतियोगिता फागुन २९ गते शुक्रबारदेखि राजधानीमा हुने भएको छ । 

 

उक्त प्रतियोगितामा पाँच विकास क्षेत्रको पाँचै टोली, विभागीय नेपाल आर्मी, नेपाल प्रहरी र सशस्त्र प्रहरी बल ९एपिएफ० क्लब गरी आठ टोलीका १७६ खेलाडीले प्रतिस्पर्धा गर्ने आयोजक सङ्घका सचिव आरके विष्टले जानकारी दिनुभयो । 

 

प्रत्येक टोलीबाट २२ जना खेलाडीले प्रतिस्पर्धा गर्ने उक्त प्रतियोगितामा पुरुष र महिला खेलाडीको सङ्ख्या बराबर रहेको छ । 

 

प्रतियोगितामा पुरुष तथा महिलामा १८–१८ गरी जम्मा ३६ स्वर्णपदकका लागि प्रतिस्पर्धा हुनेछ । तीन दिनसम्म चल्ने उक्त प्रतियोगिता सञ्चालन गर्न करिब रु १५ लाख खर्च हुने आयोजकले जनाएको छ । 

 

प्रतियोगिता त्रिपुरेश्वरस्थित दशरथ रङ्गशालामा हुनेछ । रासस