काठमाडौँ, २७ फागुन । 

थाइल्यान्डको बैंककमा हुने विश्व मुवाँ थाइ च्याम्पियनसीपमा नेपालबाट तीन पुरुष खेलाडीले प्रतिस्पर्धा गर्ने भएका छन् । 

 

बैंककको लुम्पिनी रङ्गशालामा यही फागुन २९ गतेदेखि सञ्चालन हुने उक्त च्याम्पियनसीपको ६३ केजीमा भूपेश शाक्य, ६५ केजीमा छुल्टिम लामा र ७१ केजीमा सूर्यबहादुर बुढाथोकीले नेपालको चुनौती प्रस्तुत गर्ने भएका छन् । 

 

खेलाडीसहितको छ सदस्यीय नेपाली टोली शुक्रबार त्यसतर्फ प्रस्थान गर्ने कार्यक्रम छ । टोली नेतामा नेपाल मुवाँ सङ्घका अध्यक्ष गणेशलाल कक्षपती, अफिसियलमा उमेश केसी तथा प्रशिक्षकमा सीताराम लामा रहेका छन् । 

 

टोलीलाई सफलताको शुभकामना दिँदै राष्ट्रिय खेलकुद परिषद्का सदस्य–सचिव युवराज लामा, नेपाल कराँते महासङ्घका अध्यक्ष दावा गुरुङ र महासचिव हरिशरण केसीले आज यहाँ आयोजित एक कार्यक्रममा बिदाई गनुभयो । प्रतियोगिता आगामी चैत ४ गतेसम्म सञ्चालन हुनेछ । रासस