कमला गुरुङ, कालिका फागुन २६

 

आई.सी.सी क्रिकेट वल्र्डकपमा आयरल्याण्डले भारत सामु २ सय ६० रनको लक्ष्य पेश गरेको छ । ह्यामिल्टनमा टस जितेर ब्याटिङ्ग थालेको आयरल्याण्डले ४९ ओभरमा अल आउट हुँदा २ सय ५९ रनमै सीमित हुन पुग्यो । आयरल्याण्डका लागि नेल ओ ब्रिनले सर्वाधिक ७५ रनको योगदान दिए । 

 

यस्तै विलियम पोटरफिल्ड ६७, पाउल स्ट्रिलिङ ४२ , एण्डे बलब्रिन २४ रन बनाउदै आउट भए । अन्यले खासै राम्रो प्रदर्शन गर्न सकेनन् । भारतका बलर मोहम्मद शामीले ३ तथा रविचन्द्रन आश्विनले २ विकेट लिएका छन् ।

 

यस्तै, सुरेश रैना, मोहित शर्मा, रविन्द्र जडेजा र उमेश यादवले समान १÷१ विकेट लिएका छन्  । भारतको केही बेरमा जवाफी ब्याटिङ्ग थाल्नेछ । 

 

भारत प्रतियोगिताको क्वाटरफाइनलमा प्रवेश गरिसकेको छ । तर आयरल्याण्डले आजको खेलमा भारतलाई हराउने हो भने क्वाटरफाइनलको यात्रा तय हुनेछ । 

 

जारी खेलको लाइभ स्कोर तपाईले कालिका एफ.एमबाट पनि प्राप्त गर्न सक्नु हुन्छ । जसका लागि मोबाइलको म्यासेज बक्समा गई आई.सी.सी टाइप गरी ४८४८ मा पठाउनु पर्नेछ ।