कमला गुरुङ, कालिका फागुन २६

 

आई.सी.सी क्रिकेट वल्र्डकपमा अहिले भारत र आयरल्याण्ड बिच खेल भैरहेको छ । ह्यामिल्टनमा टस जितेर ब्याटिङ्ग थालेको आयरल्याण्डले यो समाचार तयार पार्दा सम्म १६ ओभरका समाप्तिमा १ विकेट गुमाउदै ९१ रन जोडेको छ ।

 

अहिले विलियम पोटरफिल्ड  ४३ र इद जोयस १  रनका साथ क्रिजमा छन् । यस अघि पाउल स्ट्रीलिङ ४२ रन बनाउदै रविचन्द्रन आश्विनको बलमा आउट भए । 

 

समूह बी मा रहेर खेलेको भारतले चार खेलमै जित निकालेको छ । साथै ८ अंक सहित भारत तालिकाको पहिलो स्थानमा छ । यस्तै, तीनमा जित र एक हार निकालेको आयरल्याण्ड भने ६ अंक सहित तालिकाको चौथो स्थानमा छ ।

 

भारत प्रतियोगिताको क्वाटरफाइनलमा प्रवेश गरिसकेको छ । तर आयरल्याण्डले आजको खेलमा भारतलाई हराउने हो भने क्वाटरफाइनलको यात्रा तय हुनेछ । 

 

जारी खेलको लाइभ स्कोर तपाईले कालिका एफ.एमबाट पनि प्राप्त गर्न सक्नु हुन्छ । जसका लागि मोबाइलको म्यासेज बक्समा गई आई.सी.सी टाइप गरी ४८४८ मा पठाउनु पर्नेछ ।