कमला गुरुङ, कालिका फागुन २२–

 

आई.सी.सी क्रिकेट वल्र्डकपको २८ औ म्याच आज भारत र वेष्ट इण्डिज बिच हुँदैछ । पर्थमा हुने खेल नेपाली समयानुसार दिनको सवा १२ बजे सुरु हुनेछ । 

 

समूह बी मा रहेको भारतले खेलेको तीन खेलमै जित निकाल्दै ६ अंक सहित तालिकाको पहिलो स्थानमा रहेको छ । यस्तै, दुईमा जित र दुई हार बेरोर्दै ४ अंक सहित वेष्ट इण्डिज तालिकाको तेस्रो स्थानमा छ । 

 

वेष्ट इण्डिजलाई क्वाटरफाइनलमा पुग्न भारत र युएईलाई हराउनै पर्ने दबाब छ भने भारत आफ्नो जितलाई निरन्तरता दिने तयारीमा छ । एक हप्ता अघि मात्रै २ सय १५ रनको कीर्तीमानी स्कोर बनाएका क्रिस गेललाई सस्तैमा आउट गरे सफलता पाउन सकिन्छ भनी भारत सचेत समेत भएको छ । 

 

भारत र वेष्ट इण्डिज बिचको खेलको लाइभ स्कोर तपाईले कालिका एफ.एमबाट पनि प्राप्त गर्न सक्नु हुन्छ । जसका लागि खेल सुरु भैसकेपछि मोबाइलको म्यासेज बक्समा गई आई.सी.सी टाइप गरी ४८४८ मा पठाउनु पर्नेछ । ( एजेन्सीको सहयोगमा )