वीरगन्ज, १० जेठ ।

सरकारले अभियानमुखी मत्स्य कार्यक्रम तथा माछापोखरी निर्माण विशेष योजना लागू गरेपछि पर्सामा वार्षिक करिब नौ हजार मेट्रिक टन माछा उत्पादन हुन थालेका छन् । 

 

माछा उत्पादनमा आत्मनिर्भर हुन र यसको उत्पादनबाट किसानको जीवनस्तरमा सकारात्मक परिवर्तन ल्याउन सरकारले विगत पाँच वर्षदेखि अभियानमुखी मत्स्य कार्यक्रम तथा माछापोखरी निर्माण विशेष योजना लागू गरेको हो । किसानमा यस पेसाप्रतिको बढ्दो आकर्षणले माछाको उत्पादनमा वृद्धि भएको हो । 

 

कृषि विकास कार्यालय पर्साका प्रमुख वरिष्ठ कृषि विकास अधिकृत दिनेशप्रसाद रायका अनुसार, यो योजना कार्यान्वयनमा आएपछि अहिले प्रतिहेक्टर सरदर ४ दशमलव ५ मेट्रिक टनका दरले माछा उत्पादन हुने गरेका छन् । यसअघि प्रतिहेक्टर ३ दशमलव ९ मेट्रिक टन माछा उत्पादन हु“दै आएको थियो । यो योजनाअन्तर्गत विगत तीन वर्षमा करिब ३२ हेक्टर क्षेत्रफलमा नया“ माछापोखरी निर्माण भएका छन् । 

 

आव २०६७÷६८ मा १५ हेक्टर, आव २०६८÷६९ मा ११ हेक्टर र आव २०६९÷७० मा छ हेक्टर गरी कुल ३२ हेक्टरमा नया“ पोखरी निर्माण भएका छन् । नया“ माछापोखरी निर्माणका लागि प्रतिहेक्टर रु एक लाखका दरले कृषकलाई अनुदान उपलब्ध गराइएको छ । कृषि विकास कार्यालय पर्साका मत्स्य कार्यक्रमका प्राविधिक दयाराम हरिजनले भन्नुभयो – “यो योजना लागू भएपछि ३३० हेक्टर जग्गामा माछापालन व्यवसाय सञ्चालन गरिँदै आएको छ ।” योभन्दा अघि १२९ हेक्टरमा मात्र माछापालन व्यवसाय सञ्चालनमा थियो । 

 

जिल्लामा वार्षिक करिब डेढ हजार मेट्रिक टन माछा खपत हुने गरेको छ । उत्पादनमा वृद्धि भएपछि यहाँका किसान माछा पालनबाट आत्मनिर्भर भएका छन्, । “अहिले स्वदेशी माछाकै उत्पादनले जिल्लाको आवश्यकता पूरा भएको छ । यहाँ उत्पादित माछा भारतको सीमावर्ती बजार र पोखरा, मलेखु र काठमाडौँसम्म पुग्ने गरेको छ” प्राविधिक हरिजनले भन्नुभयो । 

 

माछा उत्पादनसँग सम्बन्धित कृषकलाई उत्पादनसम्बन्धी आवश्यक तालिम समेत दिने गरिएको छ । उत्पादन अभिवृद्धिका लागि गत वर्ष तीन÷तीन जना किसानलाई माछापोखरीमा अक्सिजन उत्पादन गर्ने एयरेटर मेसिन र दाना उत्पादन गर्ने प्लेटिङ मेसिन निःशुल्क उपलब्ध गराइएको थियो । 

 

नया“ माछापोखरीका लागि जग्गा छनोटदेखि पोखरी निर्माण र माछा उत्पादनसम्मको कार्यको प्रभावकारिता अनुगमन तथा मूल्याङ्कन गर्न जिल्लास्तरीय टोलीसमेत गठन गरिएको कार्यालयले जनाएको छ । जिल्लामा हाल ८६५ जना कृषकसँग ३३० हेक्टर क्षेत्रफलमा एक हजार ६० वटा पोखरी रहेको अनुमान छ । झन्डै नौ हजार मेट्रिकटन माछा उत्पादन हुने गरेको बताइन्छ । रासस