रामपुर  पाल्पा , ४ जेठ ।

रकुवा गाविसका स्थानीय बासिन्दाको आयआर्जनको बाटो नै अदुवाखेती बनेको छ । 

 

रकुवा गाविस–४ देखि वडा नं ९ का स्थानीय बासिन्दाले डाँडाभेगका खोरियामा अदुवाखेती गरेर लाखौँ रुपैयाँ आम्दानी लिन थालेका छन् । मिथुक्रम, भारतीपुर, सिउनलगायत डाँडाभेगका किसानले अदुवाबाट राम्रो आम्दानी लिन थालेका छन् । 

 

कुनै प्राविधिक ज्ञान सीप नसिकीकन आफ्नै अड्कलमा भिरालो जग्गामा कुलेसो, ड्याङ तयार पारेर युवाले अदुवा रोप्छन् । सुठो बनाएर विदेशमा समेत निर्यात हुने अदुवा विभिन्न परिकारमा स्वादिष्ट मसला र औषधिका रुपमा प्रयोग गरिन्छ । किसनाले प्रतिधार्नी रु २१५ मा बिक्री गर्दै आएका छन् । 

 

रकुवा–८ का दिलबहादुर सिङ्जालीले ९०० धार्नी अदुवा रोपेर अघिल्ला वर्षहरुमा रु एक लाख बढी आम्दानी गरेको बताउनुभयो । पहिलेपहिले डोकोमा बोकेर विभिन्न ठाउँमा पु¥याउने अदुवा अहिले गाउँमै व्यापारी आएर खरिद बिक्री हुने गरेको छ । पाल्पाको रामपुर, तनहुँको भीमादलगायतका ठाउँबाट व्यापारी गाउँमै आएर अदुवा खरिद गर्छन् । रासस