राजु थापा, वैशाख २२, कालिका,

देशमा गएको विनाशकारी भुकम्पका पिडितहरुलाई राहत दिने उद्धेश्यले चितवनका सम्पुर्ण पार्टीहरुले एक भएर मंगलबार सम्म करिव नगद २६ लाख  संकलन गरेका छन् ।

वैशाख २० गते सम्म रकम संकलन गरि २१ गते बाट वितरण गरिने भनियता पनि विभिन्न संध संस्थाको आग्रहमा वैशाख २५ गते सम्म संकलन गरिने मंगलबार राप्रपा पार्टी कार्यालय चितवनमा बसेको सर्वदलिय बैठकमा बताईएको छ । बैठकमा उधोग वाणिज्य संध चितवनले १ लाख ५१ हजार, नेपाल पोल्टी ब्यवसायी मंचले २ लाख १ हजार, मंगलपुर सेक्टर बाट १ लाख ७४ हजार, युनिक टोलबाट २० हजार, सिद्धी गणेश सामुदायिक वनबाट २५ हजार पनि हस्तान्तरण गरिएको थियो ।

संकलित रकमलाई जिल्ला दैविप्रकोप उद्धार समिति संग सम्मन्वय गरि पहिलो प्राथमिकता चितवनलाई दिदै पुर्ननिर्माणमा लगाईने बताईएको छ । बैठकमा नेपाली काग्रेसका सचिव जितनारायण श्रेष्ठ, एमालेका अध्यक्ष जेएन थपलिया, एमाओवादीका अध्यक्ष यमबहादुर परियार, राप्रपा नेपालका बद्री तिमिल्सीना, राप्रपाका अध्यक्ष रामहरी कँडेल, मालेका सचिव परशुराम लामिछाने, जनमोर्चाका पुष्पकमल सुवेदी, नेकपा– माओवादीका घन प्रसाद सापकोटा लगायतको सहभागिता रहेको थियो ।