तनहुँ, २६ चैत ।

तनहुँको प्रसिद्ध धार्मिक पर्यटकीयस्थल छाब्दी बाराही जाने मार्ग विस्तारका लागि रु एक करोड ८३ लाख बजेट विनियोजन भएको छ ।

 

उक्त मार्गका लागि भौतिक योजना मन्त्रालयमार्फत बजेट विनियोजन भएको छाब्दी मार्ग समितिका अध्यक्ष मणिजङ्ग बस्नेतले जानकारी दिनुभयो । उक्त बजेट विनियोजनपछि चैत १५ गते टेन्डरसमेत आह्वान गरिसकेको अध्यक्ष बस्नेतले बताउनुभयो । 

 

सदरमुकाम दमौलीबाट पूर्व दिशामा पर्ने करिब सात किलोमिटर दूरीमा उक्त मन्दिर रहेको छ । उक्त बजेटले मार्ग विस्तार र करिब दुई किलोमिटर लामो सडक कालोपत्र हुने अध्यक्ष बस्नेतले जानकारी दिनुभयो । रासस