भीमदत्तनगर, १७ चैत ।

जिल्ला ट्राफिक प्रहरी कार्यालय डडेल्धुराले चालु आर्थिक वर्षको नौ महिनामा रु ६ लाखभन्दा बढी राजस्व सङ्कलन गरेको छ ।ट्राफिक प्रहरी कार्यालय डडेल्धुराले चालु आर्थिक वर्ष सुरु भएयता हालसम्म रु ६ लाख १४ हजार ७५० राजस्व सङ्कलन गरेको हो । 

 

अहिलेसम्म नियम उल्लङ्घन गर्ने दुई हजार ४७० वटा सवारी साधन कारबाहीमा परेको प्रहरीले जनाएको छ । यस्तै मापसे गरी सवारी साधन चलाउने ३४ जनालाई समेत कारबाही गरेको जिल्ला ट्राफिक प्रहरी कार्यालय डडेल्धुरा स्याउलेका प्रहरी नायब निरीक्षक रघुवीर चन्दले बताउनुभयो । 

 

मापसे कारबाहीबाट रु ३९ हजार सङ्कलन गरिएको उहाँले बताउनुभयो । रासस