जितेन्द्र भण्डारी÷ पाँचथर,चैत्र १४,

 

रुट परमिट विना संचालित तथा विस वर्ष पूराना गाडि नियन्त्रणमा लिएको वर्षोदिन वित्न लाग्दा समेत जिल्ला प्रहरी कार्यालय पाँचथरले भन्सार कार्यालय वुझाउन नसक्दा उक्त सवारी साधनहरु कवाडी वन्दै गएका छन् ।

 

नियन्त्रणमा लिएर मेची भन्सार तथा इलामको पशुपति भन्सार कार्यालयमा वुझाउनुपर्ने भएपनि अहिलेसम्म प्रहरी कार्यालयले वझाउन सकेको छैन् । अहिले प्रहरी कार्यालय समेत ठाउँ नभएपछि विपी पार्क तथा जिल्ला विकाश समितीको प्रांगणमा सवारी साधानहर राखिएका छन् । विभिन्न समयमा नियन्त्रणमा लिइएका ४ वटा जिप,२ वटा भ्यान र ५ वटा मोटरसाइकल अहिले कवाडी वन्ने अवस्थामा पुगेका छन् ।

 

जिल्ला प्रहरी कार्यालय पाँचथरका प्रहरी अधिकृत तथा सूचना अधिकारी रविराज थपलियाले भन्नुभयो,“ अहिले न त भन्सार कार्यालयले लैजान मान्दछ न त यातायात ब्यवस्था कार्यालयले त्यहिँ भएर प्रहरी कार्यालयमै सवारी साधन थन्काएर राखेका छौ,जुन सवारी साधन राख्दाराख्दै कवाडी वन्न थालिसके,यहाँ प्रहरी कार्यालयमा समेत राख्ने स्थान नभएर जिविसको प्राङगणमा राखेका छौ ।”

 

उहाँले यस वारे कार्यालयले भन्सार कार्यालयमा प्रक्रिया अघि वढाइसकेकोे वताउनुभयो ।